12-pazala programo

De Wikipedio
Irez ad: pilotado, serchez

12-pazala programo esas procedo, unesme developita da Alkoholiki Anonima, por saneskar gradope de alkoholismo, drogala dependo o altra perturbanta manieri.

Kome deskriptita da American Psychological Association, ol konsistas ek:

  1. konfesar ke on ne povas direktar sua kustumo;
  2. agnoskar ke supera povo povas donar ad onu forteso;
  3. explorar pasinta erori kun la helpo di plu experta membro;
  4. korektigar ca erori;
  5. lernar quale vivar nova vivo per nova principaro;
  6. donar helpo ad altra personi, qua sufras pro la sama problemo.

La 12 pazi[redaktar | edit source]

  1. Ni agnoskis, ke ni esis impotenta kontre alkoholo, ke nia vivi divenabis neguvernebla.
  2. Kredeskis, ke Povo plu granda kam ni ipsa povus ridonar nia mentosaneso a ni.
  3. Facis decido cedar nia volo e nia vivi a la sorgo di Deo, quale ni komprenis Il.
  4. Facis sucioza e senpavora etikala inventario di ni ipsa.
  5. Konfesis a Deo, a ni ipsa ed ad altra homa ento la exakta naturo di nia malaji.
  6. Esis plene pronta por ke Deo forigez omna de ca karakterala defekti.
  7. Humile pregis, ke Il forigez nia kulpi.
  8. Facis listo de omna personi, quan ni nocis, e volunteskis kompensar a ca omni.
  9. Direte kompensis tala personi irgekande posible, ecepte kande tale facar nocus li od altri.
  10. Durigis facar personala inventario e kande ni eroris, ni sentemporise konfesis to.
  11. Serchis per pregado e rekoleco plubonigar nia koncianta kontakto kun Deo, quale ni komprenis Il, pregante nur por savo di Ilua deziro por ni e la povo por efektigar to.
  12. Spiritale vekita pro ca pazi, ni esforcis portar ca mesajo ad alkoholiki ed aplikar ca principi ad omna nia aferi.