Adjuvilo

De Wikipedio
Irez ad: pilotado, serchez

Adjuvilo esas helpolinguo kreita da Claudius Colas en la yaro 1910. Colas publikigis la projeto sub la pseudonimo Doktoro Esperema en la franca linguo en libreto, qua kontenis 32 pagini.

Fakte Adjuvilo esas sistemo por la reformado di Ido. Colas ipse nomizis sua propozo anke simpligita Ido.

Colas reformis la gramatiko di Ido en multa punti. Pro to on povas dicar ke Adjuvilo esas propra linguo. Colas nur anuncis reformado dil Ido-vortaro. Adjuvilo precipue uzas la vortaro di Ido.

La projeto fakte restis sur la papero e la linguo nulatempe uzesis.

Adjuvilo ed Ido[redaktar | edit source]

Pro ke Colas esis til lua morto en la yaro 1914 tre aktiva esperantisto kelka fonti suspektas ke la vera intenco di Adjuvilo esis nocar Ido e l' Ido-movado. Ma ne existas definitiva pruvi por ca teorio.

En sua libreto Colas skribis multe pri l'erori di Ido. Il nomizis l'oficala Ido primitiva Ido ed il anke atakis Louis de Beaufront quale konsideresis en ca tempo quale la sola autoro di Ido.

Fakte Adjuvilo ne havis granda efiko sur l' Ido-movado.

Exemplo di Adjuvilo[redaktar | edit source]

La patro nia en Adjuvilo

"Patro nosa, qua estan en cielos,
santa esten tua nomo,
advenen tua regno,
esten tua volo,
quale en cielos,
tale anke sur la tero;
nosa panon omnadaga donen a nos hodie;
nosas ofendos pardonen a nos,
quale nos pardonan a nosas ofendantos
e ne lasen nos fali en tento,
ma liberifen nos de malbono."

Extera ligili[redaktar | edit source]