Albert Einstein
De Wikipedio
| Albert Einstein | |||
|---|---|---|---|
 |
|||
| Profesiono: | Fizikisto | ||
| Lando: |  Germania |
||
| Nask-dio: | 14 di marto 1879 | ||
| Nask-loko: | Ulm, Badenia-Wurtemberg, Germania | ||
| Mort-dio: | 18 di aprilo 1955 | ||
| Mort-loko: | Princeton, Nova-Jersey, Usa | ||
Albert Einstein (1879 til 1955) esis fizikisto ke do maxim importanta verko esas relativeso-teorio (evento esas sempre ligita ad sola punto di spaco-tempo tra lum-ondo kontre Newton-teorio ke gravitado esas simple instante).
Ye 1905 Einstein editis plura paperi alte signifikanta. Por una il aplikis quanto-teorio di Max Planck al expliko di fotoelektrala emiso. Pro co il recevis Nobel-premio en fiziko ye 1921.
En duesma il demonstris ke molekulala ago ya explikas Brownana movo. En triesma il publikigis specala relativeso-teorio, quo postulas konstanta rapideso di lumo (c) e l'equivalo di amaso (m) ed energio (E), rezumata en la famoza equaciono E = mc2.
Ye 1915 il editis generala relativeso-teorio. La predici di ca teorio omna konfirmesis pos kelka yari. Einstein esis vizitanta Usa kande Adolf Hitler ganis la povo en Germania, e pro esar judo, il decidis ne retroirar a lua hemlando.
Il pasis sua cetera vivo serchante vane "unionita feldo-teorio" quo kombinus quanto-teorio kun graveso. Pos 1945 il laboris kontre la difuzo di nukleala armi, malgre ke il ipsa ye 1939 avertis prezidanto Franklin Roosevelt pri la (falsa) danjero ke Germania developos atom-bombo, e tale kontributis al establiso dil Manhattan-projeto.
