Alexander Gode

De Wikipedio
Irez ad: pilotado, serchez
Alexander Gottfried Friedrich Gode-von-Aesch
Ne havas libera imajo.jpg
Profesiono: linguisto
Lando: Flag of Germany.svg Germania
Nasko-dio: 30 di oktobro 1906
Nasko-loko: Bremen, Germania
Morto-dio: 10 di agosto 1970

Alexander Gottfried Friedrich Gode-von-Aesch, Ph.D. (1906 til 1970), la precipua realigero di Interlingua, esis di origino Germana da lua patro, de la urbo hansala di Bremen, e Suisa da la matro, veninta di anciena familio borgezala Von Aesch, de vilajo en la Bernana proximeso.

Ilu docis Latinida lingui e germano a l'universitati Columbia e Chicago e esis agema por interlingua de 1934.

Ilu redaktis libri di refero 19431946 e editis kun E. Clark Stillman la serio Spanish at Sight, French at Sight e Portuguese at Sight. Tradukis centi di artikli e kelka libri de plura lingui en Angla. Editis ye/en 1941 300 pagini pri Natural Science in German Romanticism. Fondis ye/en 1946 l'editerio Storm Publishers, qua ilu jeris. Lasta direktisto di inquesto dil IALA de 1946, redaktisto dil Interlingua-English Dictionary (1951) e koautoro dil Interlingua Grammar (kun Hugh E. Blair, 1951). Pose chef di Interlingua-Fako di Science Service (19531967).

Autoro di multa edituri en Interlingua e Germano. Dum lua lasta yari ilu tradukis texti ciencala tra lua firmo Interlingua Translations. Koautoro di Interlingua ye unesma vido, bazata sur la serio ...at Sight.

Premiata kun i.a. Harald Swanberg Distinguished Service Award dil American Medical Writers' Association por kontributi bonega a revui medicinala e por rezumi en interlingua; anke premiata da la Fédération Internationale des Traducteurs por la laboro di traduktar edituri ciencala e la laboro por la profesiono di tradukteri. Kofondisto e unesma prezidisto dil Asociitaro Usana di Tradukteri (19601963). En lua honoro, ca organizeso konferas singlayare la Medalio Alexander Gode "por helpi eminenta por la profesiono tradukturi".[1]

Alexander Gode mortis la 10 di agosto 1970 a l'evo di 63 yari.

Referi[redaktar | edit source]

  1. Alexander Gode Medal Ret-situo dil Asociitaro Usana di Tradukteri

Extera ligili[redaktar | edit source]