Arida klimato

De Wikipedio
Irez ad: pilotado, serchez
Regioni kun arida klimati:

██ BWh

██ BWk

Arida klimato o klimato di dezerto (BWh o BWk) esas klimato ube pluvo esas skarsa - ol povas ne falar dum kelka yari - e vejetantaro esas nula o poka (generale planteti o kaktusi). Existas kold arida klimato e varm arida klimato (videz en la mapo dextre).

Regiono qua recevas min ke 250 mm di pluvo omna yari esas konsiderata dezerto. Kelka regioni recevas plu kam ta quanto ma anke esas konsiderata dezerti, por intensa vaporigo, kom en Tucson, Arizona.

Duno di areno en Kyzyl Kum dezerto.

Varma dezerti okuras en subtropikala regioni qui havas intensa sunala lumo multa dii dum yaro, pro sikant aero ed alta preso. Exempli: Sahara, Kalahari, granda parto di Iran. Kolda dezerti okuras en temperema regioni dop alta montari, qui ne recevas preske nula humideso kompare l'altra latero. Exemple: Gobi dezerto, Atakama, Kyzyl Kum (inter Uzbekistan e Kazakstan), Taklamakan.

Agrokultivo nur esas posibla en regioni ube existas irigaco, kom en Negev dezerto en Israel od en la valo di Nilo, od ube existas oazisi.

Malgre on konsideras ke Antarktika havas la maxim granda dezerto dil mondo, lua klimato ne esas nomita arida, ma polala.