Augustus

De Wikipedio
Irez ad: pilotado, serchez
Augustus
Statue-Augustus.jpg
Imperiestro di SPQRomani.svg Romana Imperio
Periodo di guvernerio: de 16 di januaro 27 aK til 419 di agosto 14
Precedanto: Ne havis, komenco di l'Imperio
Sucedanto: Tiberius
Nasko-dio: 23 di septembro 63 aK
Nasko-loko: Roma
Morto-dio: 19 di agosto 14
Morto-loko: Nola, Italia, Romana Imperio
Spozo: Clodia Pulchra (42–40 aK)
Scribonia (40–38 aK)
Livia Drusilla (37 aK – 14)
Profesiono: Militisto e politikisto

Gaius Julius Caesar Augustus (nask. Gaius Octavius Thurinus, pose Gaius Julius Caesar, kurte Augustus) (23 di septembro 63 aK til 19 di agosto 14) esis l’unesma Romana cezaro (16 di januaro 27 aK til 19 di agosto 14). Julius Cezaro adoptis ilu ye 44 aK e nomisis ilu kom sua sucedanto.

Formale Augustus preservis la formi e kustumi di la Romana Republiko, ma praktikale ilu regnis kom despoto plu kam 40 yari. Augustus finis per sangoza militi la epoko dil interna militi sangoza. Kom lua maxim granda atingo esis la longa e relative pacoza epoko, Pax Romana.

Ye 12 di januaro 29 aK Augustus klozis la pordi di la templo di Janus, por montrar ke la Romana Imperio esas pacoza. To sequis la suceso di Roma ye la navala batalio che Actium en 31 aK, kontre la trupi di Kleopatra ed Antonius. (Antonius, antee un de la Romana triumviraro, kun Augustus, divenis amoranto di Kleopatra, rejino di Egiptia. Pos la vinko che Actium li suocidis.) La templo di Janus situesis en la Romana forumo. Olua pordi ne esabis klozata depos la fino di la Unesma Punika milito ye 235 aK, kande konsulo Titus Manlius Torquatus klozis la pordi. L’antea (ed unesma) klozado di la pordi eventis en la regno (715673 aK) di Numa Pompilius, duesma rejulo di Roma, qua konstruktis la templo.