Bénard celuli
Bénard celuli es koncepto aparanta lor la studio dil konvekto.
Esas obtenita da simpla experimento, realigita da Henri Bénard, Franca fizikisto ye 1900 klarigas la teorio di disipanta sistemo.
L'experimentala establiso uzas strato di liquido, e.c. aquo, inter du paralela plani. L'alto dil strato es mikra komparita a la horizontala dimensiono.
[redaktar] Equilibro e termala konduktado
Unesme, la temperaturo dil basa plano es la sama ke la suprajo. Lor la liquido tendencos vers equilibro, ube lua temperaturo es la sama kom l'uno extere. Unfoye ibe, la liquido es tote uniforma: observanto en ulu vidus la sama cirkumajo en tota loko, en omna direcioni. Ta equilibro es anke asimptotale stabila: pos lokala, tempala perturbo di extera temperaturo, retro-iros a lua uniforma stando, en lineo kun duesma lego di termodinamiko.
Lore, la temperaturo di baza plano es augmentita poke: permananta fluo di energio eventos tra la liquido. La sistemo komencos havar strukturo di termala konduktiveso: la temperaturo, e la denseso e la preso kun lo, varios lineare inter la baza e supera plano. Ta sistemo es modlita tre bona en statistikala mekaniko.
[redaktar] Fora de equilibro: konvekto e petulemeso
Se ni progresive augmentas la temperaturo di baza plano, esos temperaturo a qua ula dramato eventas en la liquido: konvekto celuli aparos. La mikroskopala hazarde movado spontane divenos ordinar en makroskopala nivelo, kun karakteriziva korelato longeso. La rotacado dil celuli es stabila ed alternos de segun-horloje ad inverse-horloje kom ni movas alonge horizontale: ta es spontana simetreso rupturo.
Bénard celuli es metastabila. Ta signifikas ke mikra perturbo ne es kapabla chanjar la rotacado di celuli, ma la plu larja povas afektar la rotacado; expozas formo di histereso.
