Bahama

De Wikipedio
Irez ad: pilotado, serchez
Commonwealth of The Bahamas
Flag of the Bahamas.svg Coat of arms of the Bahamas.svg
Flago di Bahama Blazono di Bahama
Mapo di Bahama
Chefurbo: Nassau
·Habitanti: 260,000 (2008)
Precipua urbo: Nassau
Oficala linguo: Angliana
Guvernerio: Monarkio
·Rejino: Elisabeth 2ma
·General-guverniestro Arthur Dion Hanna
·Chefministro: Perry Christie
Surfaco: (160ma granda)
·Totala: 13,878 km²
·% aquo: 28
Habitanti: (177ma granda)
·Totala: 353,658[1] (2010)
·Lojanto-denseso: 23.27 hab./km²
Nacionala himno: March On, Bahamaland
Pekunio: Dolaro di Bahama
Reto-kodo: .bs
Precipua religio: kristanismo (92,3%)

Bahama esas insul-grupo formata da 700 insuli en Nord-Amerika, 80 km esto di Florida, USA (Bimini Insulo).

Bazala fakti pri Bahama

Historio[redaktar | edit source]

Exquisite-kfind.png Videz anke: Historio di Bahama.

Taino indijeni arivis en Bahama dum la 7ma yarcento. Kande Cristoforo Colombo remarkis San Salvador Insulo en 12 di oktobro 1492 posible exisitis cirkum 30,000 indijeni en ol. Lucayan indijeni esis exterminita, pos esar expozita a maladesi trovita da Europani. Variolo exterminis preske duimo di Taino indijeni de Bahama[2].

De 15ma til 17ma yarcento, l'insuli apartenis ad Hispania, ma pirati - specale Britaniani ja celis su en l'arkipelago, qua esas vera labirinto di insuli. En 1648 Britaniana aventureri arivis en l'arkipelago. Regiono divenis definitive Britaniana kolonio en 1783 kun Versailles-kontrato. Pos la nedependo di Usa, cirkum 7300 personi fieli a Britaniana monarkio movis de Nova-York, Florida e Karolini til Bahama kun lia sklavi. Ica populo stablisis kultivi en l'insuli.

L'habitanti di Bahama votis por nedependo de Unionita Rejio en 1973 e lando divenis nedependanta en 10 di julio 1973. Milo Butler esis l'unesma generala-guberniestro pos nedependo.

Politiko[redaktar | edit source]

Exquisite-kfind.png Videz anke: Politiko di Bahama.

Bahama esas konstitucala monarkio. La chefo di stato esas rejo Elizabeth 2ma di Unionita Rejio, reprezentata da general-guberniestro, nune Arthur Foulkes. La chefministro esas la chefo di guvernerio, nune esas Perry Christie, qua asumis povo en 8 di mayo 2012.

La parlamento havas du chambri: Senato kun 16 membri, e chambro di deputati kun 40 membri. La du precipua politikala partisi esas la Free National Movement (libera nacionala movado) - FNM, e la Progressive Liberal Party (progresanta liberala partiso) - PLP. Lua konstituco adoptesis 10 di julio 1973.

Quankam Bahama ne jacas en Karibeano ol esas membro di Karibeana Komuneso (CARICOM).

Geografio[redaktar | edit source]

Exquisite-kfind.png Videz anke: Geografio di Bahama.
Mapo di Bahama.
Plajo en Emerald Bay, Bahama.

Bahamas esas vasta arkipelago plasizata inter Florida (USA) e nordo di Kuba, kun plu kam 700 insuli ed insuleti. Tereni en l'insuli esas basa: la maxim alta monto di arkipelago esas Monto Alvernia, kun 62 metri di altitudo. Lua litoro (sumo di tota la insuli) havas 3.452 km.

La klimato varias de subtropikala a tropikala. Dum sumero e autuno, l'insuli sufras kun uragani.

Ekonomio[redaktar | edit source]

Exquisite-kfind.png Videz anke: Ekonomio di Bahama.

Segun KLP per persono, Bahama esas un di maxim richa landi di Amerika, pos Bermuda, Usa, Kaiman-Insuli, Kanada e Virgin-Insuli Britaniana. Turismo, qua reprezentas 60% de KLP, esas la precipua fonto di revenuo di lando. Financal aktivesi, qui reprezentas 15% de KLP, esas la duesma. Altra ekonomikala rekursi esas salo, aragonito e ligno. Lando havas poka kultivebla tereni.

Demografio[redaktar | edit source]

Exquisite-kfind.png Videz anke: Demografio di Bahama.

En julio 2011 segun The World Factbook, Bahama havis 313,312 habitanti, di qui 85% decendas de Afrikani. Europani o decendanta de Europani esas 38,000. En 2008 cirkum 84% de la habitantaro vivas en urbi.

Kulturo[redaktar | edit source]

Exquisite-kfind.png Videz anke: Kulturo di Bahama.

Angliana linguo esas oficala, ma granda parto di la habitantaro parolas Bahamana dialekto.

Cirkum 95% de la habitantaro esas kristani, specale baptisti, anglikani e katoliki.

Celebro di Junkanoo en Nassau.

Junkanoo esas tradicionala parado kun dansi e muziki en la stradi, qua okuras en la Dio di Nov-yaro (1ma di januaro) ed en 10 di julio (dio di la nedependo). Ultre junkanoo, altra stili di muziko inkluzas calypso, soca, reggae, rap e Hip Hop. La maxim populala muzikala grupo exter Bahama esas Baha Men.

Referi[redaktar | edit source]

  1. COMPARISON BETWEEN THE 2000 AND 2010 POPULATION CENSUSES AND PERCENTAGE CHANGE.
  2. Schools Grapple with Columbus' Legacy: Intrepid Explorer or Ruthless Conquistator? Education Week
Wikipedio
Wikivortaro explikas
ca rubriko
en altra lingui: Bahama
Flago di Bahama Bahama
Kulturo • Demografio • Ekonomio • Geografio • Historio • Politiko • Arkivi


Stati e teritorii en Karibeano
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Kuba | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin-Insuli Britana | Guadelupa | Kaiman-Insuli | Kuracao | Martinik | Montserrat | Navassa | Porto-Riko | Sant Maarten | Turks e Kaikos-Insuli | Virgin-Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius