Bahama

Commonwealth of The Bahamas Flago di Bahama Blazono di Bahama Chefurbo: Nassau ·Lojanti: 260,000 (2008) Precipua urbo: Nassau Oficala linguo: Angliana Guvernerio: Monarkio ·Rejino: Elisabeth 2ma ·General-guverniestro Arthur Dion Hanna ·Chefa ministro: Hubert Ingraham Surfaco: (160ma granda) ·Totala: 13,878 km² ·% aquo: 28 Lojanti: (177ma granda) ·Totala: 353,658 (2010) ·Lojanto-denseso: 23.27 loj./km² Nacionala himno: March On, Bahamaland Pekunio: Dolaro di Bahama Reto-kodo: .bs Precipua religio: kristanismo (92,3%)

Bahama esas insul-grupo formata da 700 insuli en Nord-Amerika, 80 km esto di Florida, USA (Bimini Insulo).

Bazala fakti pri Bahama

Historio

Taino indijeni arivis en Bahama dum 7ma yarcento. Kande Kristoforo Kolumbo remarkis San Salvador Insulo ye 12 di oktobro 1492 posible exisitis cirkum 30,000 indijeni en ol. Lucayana indijeni esis exterminita, pos esar expozita a maladesi trovita da Europani. Variolo exterminis preske duimo di Taino indijeni de Bahama.

De 15ma til 17ma yarcento, l'insuli apartenis ad Hispania, ma pirati - specale Britaniani ja celis su en l'arkipelago, qua esas vera labirinto di insuli. Ye 1648 Britaniana aventureri arivis en l'arkipelago. Regiono divenis definitive Britaniana kolonio ye 1783 kun Versailles-kontrakto. Pos la nedependeso di Usa, cirkum 7300 personi fieli a Britaniana monarkio movis de Nova-York, Florida e Karolini til Bahama kun lia sklavi. Ica populo stablisis kultivi en l'insuli.

L'habitanti di Bahama votis por nedependeso de Unionita Rejio ye 1973 e lando divenis nedependanta ye 10 di julio 1973. Milo Butler esis l'unesma generala-guverniestro pos nedependeso.

Politiko

Bahama esas konstitucala monarkio. La chef-stato esas Elizabeth 2ma di Unionita Rejio, reprezentata da general-guverniestro, nune Arthur Foulkes. La chefa ministro esas la chefo di guvernerio, nune esas Hubert Ingraham.

La parlamento havas du chambri: Senato kun 16 membri, e chambro di deputati kun 40 membri. La du precipua politikala partisi esas la Free National Movement (libera nacionala movado) - FNM, e la Progressive Liberal Party (progresanta liberala partiso) - PLP. Lua konstituco esis adoptita ye 10 di julio 1973.

Malgre Bahama ne jacas en Karibeano ol esas membro di Karibeana Komuneso (CARICOM).

Geografio

Mapo di Bahama.

Plajo en Emerald Bay, Bahama.

Bahamas esas vasta arkipelago plasizata inter Florida (USA) e nordo di Kuba, kun plu kam 700 insuli ed insuleti. Tereni en l'insuli esas basa: la maxim alta monto di arkipelago esas Monto Alvernia, kun 62 metri di altitudo. Lua litoro (sumo di tota la insuli) havas 3.452 km.

La klimato varias de subtropikala a tropikala. Dum sumero e autuno, l'insuli sufras kun uragani.

Ekonomio

Videz anke: Ekonomio di Bahama.

Segun KLP per persono, Bahama esas un di maxim richa landi di Amerika, pos Bermuda, Usa, Kaiman-Insuli, Kanada e Virgin-Insuli Britana. Turismo esas la precipua fonto di revenuo di lando. Altra ekonomikala rekursi esas salo, aragonito e ligno. Lando havas poka kultivebla tereni.

Demografio

Preske 85% di Bahamani decendas de Afrikani. Europani o decendanta de Europani esas 38,000. Angliana linguo esas oficala.

Kulturo

Celebro di Junkanoo en Nassau.

Junkanoo esas tradicionala parado kun dansi e muziki en la stradi, qua okuras ye la Dio di Nov-yaro (1ma di januaro) ed ye 10 di julio (dio di la nedependeso). Ultre junkanoo, altra stili di muziko inkluzas calypso, soca, reggae, rap e Hip Hop. La maxim populala muzikala grupo exter Bahama esas Baha Men.