Balon-expediciono al Arktiko di S.A. Andrée ye 1897

De Wikipedio
Irez ad: pilotado, serchez
S. A. Andrée e Knut Frænkel kun la balono falegita sur la mar-glacio, fotografigita da la triesma membro, Nils Strindberg. La filmo di ica fotografuro ed altri de la ne-sucesoza expediciono rekovresis ye 1930.

La Balon-expediciono al Arktiko di S.A. Andrée ye 1897 esis ne-sucesoza probo irir a la Norda Polo en qua omna tri expedicion-membri mortis. S. A. Andrée (1854–97), la unesma balonisto de Suedia, propozis voyajo par hidrogen-balono de Svalbard a Rusia o Kanada, qua irus, kun fortuno, sur la Norda Polo dum la mezo di la voyajo. La ideo recevesis kun entusmiasmo nacionala en Suedia, norda lando qua esis dop la altri en la konkurenco a la Norda Polo.

Andrée ignoris multa signi di la danjeroza aspekto di sua balon-projeto. Tornar la balono efektive esis necesa por sekura voyajo, ed esis multa signi ke la kordo-tekniko por tornar la balono quan lu inventabis esis ne-efektoza, malgre to, lu riskis la fato di la expediciono a la kordi. Plu male, la polala balono Eagle sendesis direte a Svalbard de la fabrikisto en Paris sen investigar sua sekureso; kande mezuri montris ke ol likis plu multe kam pensita, Andrée refuzis agnoskar la fakto. La maxim multa di moderna studenti vidas la optimismo di Andrée, sua kredo en la povo di teknologio, e ignorado di la povo di naturo kom la precipua faktori qui igis lua morto e sua du akompantanti Nils Strindberg (1872 – 97) e Knut Frænkel (1870–97).

S. A. Andrée (1854–97).

Pos Andrée, Strindberg, e Frænkel komencis la voyajo de Svalbard ye julio 1897, la balono rapide perdis hidrogeno e falegis sur la mar-glacio pos nur du dii. La exploristi ne vundesis ma havis difikulta voyajo sude tra la chanjanta glacio. Sen sat multa vestaji e preparaji, e shokigita da la desfacileso di la lando, li ne retrovenis. Kande la Arktikala vintro venis a li, la grupo divenis exhaustata en la Kvitøya (blanka insulo) insulo e mortis ibe. Dum 33 yari la fato di la Andrée-expediciono duris kom un ek la ne-solvita kozi en la Arktiko. La deskovro acidentala ye 1930 di la lasta kampo di la expediciono divenis granda novajo en Suedia, kande la mortinta viri lamentesis ed idoligesis. La morto di la tri pensesis en multa manieri en Suedia, ed en multa verki pos la deskovro Andrée aparis de nacionala heroo, a mala viro qua sakrifikis sua akompantanti por ambicio.

Extera ligili[redaktar | edit source]