Bento Gonçalves

De Wikipedio
Irez ad: pilotado, serchez
Bento Gonçalves
Edifici en Bento Gonçalves.
Bandeira Bento Gonçalves.jpg Brasão Bento Gonçalves.jpg
Lando Flag of Brazil.svg Brazilia
Regiono Suda regiono (Brazilia)
Stato Rio Grande do Sul
Fondinta en 11 di oktobro 1890
Latitudo 29° 10′ 15″ S
Longitudo 51° 31′ 08″ W
Altitudo 691 metri
Surfaco 382.5 km²
Habitanti 112,318 (2014)
Denseso di habitantaro 293.6 hab./km²
Distanco de Porto Alegre 109 km
Horala zono UTC-3
UTC-2 dum somero
Urbestro Guilherme Pasin
Reto: http://www.bentogoncalves.rs.gov.br
Mapo
Mapo di Bento Gonçalves
Vino-fabrikerio Salton, en Bento Gonçalves.

Bento Gonçalves esas urbo en Braziliana stato di Rio Grande do Sul. Ol havis 112,318 habitanti en 2014[1]. Lua totala surfaco esas 382.5 km².

Lua precipua ekonomial agadi esas la produktado di vino (ol esas un di la precipua produkteri di vino en Brazilia) e di mobli, e turismo. Ol konsideresas la chef-urbo dil vino en Brazilia.

Lua nomo homajas Bento Gonçalves da Silva, un di la precipua komandinti di Farrapos-milito.

Historio[redaktar | edit source]

En 1875 la princino Isabel de Brazilia donis tereni a 24 familii di Italiana enmigranti, qui originis precipue de Trento e fondis kolonieto nomizita "Dona Isabel" en la regiono. Dum la sequant yari, altra enmigranti arivis, precipue de Veneto, Trentino e Lombardia.

En 11 di oktobro 1890 la kolonieto transformesis en urbo e nomizesis Bento Gonçalves, en homajo a Bento Gonçalves da Silva, komandinto dum Farrapos-milito. Dum l'unesma yardeki dil 20ma yarcento l'urbo kontinuis recevar enmigrante. Ultre l'Italiani, anke arivis Poloni, Germani, Suedi, Franci e Hispani.

Anciena lokomotivo, nune uzata nur por turismo.

La fervoyo inauguresis en 1919 por ligar l'urbo kun Porto Alegre e transportar l'ekonomiala produktado di la regiono. La fervoyo transportis pasajeri reguloze til 1976. Nune ol transportas nur turisti en kurta extenso, de Bento Gonçalves til Carlos Barbosa, en treni movita per olda vaporo-lokomotivi.

En 1950 ol ja havis 22,500 habitanti. Industrial agado expansis, specale la sektori di vino, mobli, ledro, kemiala produkti, metali e mekanikal equipaji. En 1967 organizesis en Bento Gonçalves la Nacionala Ferio dil Vino (Fenavinho). Dum la sequant yari altra naciona ed internaciona ferii organizesis en l'urbo, exemple la Ferio dil Moblo (Movelsul), e la Komercala Ferio di Bento Gonçalves (Expobento).

Referi[redaktar | edit source]

  1. (1 di julio 2014) Estimativa populacional 2014 IBGE (in Portugalana). Estimativa populacional 2014. Instituto Brasileiro de Geografia e Estatística (IBGE). URL vidita ye 29 di agosto 2014.