Biafra

De Wikipedio
Irez ad: pilotado, serchez
Republic of Biafra
1967 til 1970
Flag of Biafra.svg Coats of arms of None.svg
Mapo di Biafra
Chef-urbo: Enugu
·Lojanti: (sen informo)
Oficala lingui: Angliana. Ibo esis larje parolata, ma ne oficala.
Guvernerio: Republiko
·Prezidanto di republiko: Chukwuemeka Odumegwu Ojukwu
Surfaco: 76 400 km² (1967)
Habitanti: 13 500 000 (1967)
Pekunio: Biafrana pundo
Precipua religio: katolikismo (precipua)

Biafra esis lando en west-Afrika qua divenis nedependenta di Nigeria de 1967 til 1970. Lua vicina landi esis Nigeria en nordo e westo, e Kamerun en esto.

Historio[redaktar | edit source]

Nigeria divenis nedependanta de Unionita Rejio en 1960 ma, simila ad altra Afrikana stati, lua habitantaro ne esis kulturale e religiale homogena. En nordo ed en centro di lando la majoritato di la habitanti esas de rasi Hausa e Fulani, e praktikas islamo kom religio. En la sudo di lando la majoritato di la habitanti esas de raso Ibo e praktikas precipue kristanismo o animismo. Petrolo, la precipua naturala richeso di Nigeria, jacas en sudo.

En januaro 1966 un grupo di militisti Ibo kaptas povo da stato-stroko. En julio sam yaro, militisti de nordo preparis kontre-stroko por renversar Ibo militisti. On komencis konflikti ed ye septembro 1966 30.000 Ibo esis mortigita.

En 26 di mayo 1967 la populo di Biafra votis por divenar nedependanta de Nigeria, ed en 30 di mayo 1967 Biafra deklaris lua nedependo. Depos nedependo, komencis Biafra milito. Biafra recevis kelka militarala helpo de Francia, Portugal, Rhodezia, Sudafrika ed Israel, dum ke Nigeria recevis suportilo di Sovietia ed Unionita Rejio. Quankam la helpo, lando esis male equipita por konfrontar Nigerian armeo, multa larja en nombro.

En 1970 Nigeria vinkis milito ed enkorpigis Biafra itere. La rezulto di milito esis plu kam 800,000 morti, precipue da hungro.