Bolivia

De Wikipedio
Irez ad: pilotado, serchez
Estado Plurinacional de Bolivia
Bulivya Mamallaqta
Wuliwya Suyu
Flag of Bolivia.svg Coat of arms of Bolivia.svg
Flago di Bolivia Blazono di Bolivia
Mapo di Bolivia
Chefurbo: Sucre (konstitucala chef-urbo)
·Habitanti: 300,000 (2006)
Precipua urbo: Santa Cruz de la Sierra
Oficala linguo: Hispaniana
Kechuana, Aymarana
Guvernerio: Republiko
·prezidanto: Evo Morales
Surfaco: (28ma granda)
·Totala: 1,098,581 km²
·% aquo: 1,29
Habitanti: (84ma granda)
·Totala: 10,907,778[1] (2010)
·Lojanto-denseso: 8,9 hab./km²
Nacionala himno: Bolivianos, el hado principio
Pekunio: Boliviano
Reto-kodo: .bo
Precipua religio: katolikismo, 88,3%

Bolivia esas republiko qua jacas en Sud-Amerika. Lua nomo esas homajo a Simón Bolívar, heroo di libereso processo di Hispaniana kolonii en Sud-Amerika.

Bolivia havas frontieri en nordo ed en esto kun Brazilia, en sud-esto kun Paraguay, en sudo kun Arjentinia, ed en westo kun Chili e Peru.

Bazala fakti pri Bolivia

Historio[redaktar | edit source]

Exquisite-kfind.png Videz anke: Historio di Bolivia.

Ja existis civilizeso en la regiono di Tiahuanaco de la 4ma til la 10ma yarcento. Tamen, arkeologiisti poke savas pri ta civilizeso, ecepte ke lu facis granda konstrukturi di petro kun imaji di animali. Posible ta populo dekadis pos la 10ma yarcento. Cirkum la yaro 1200 inkai okupis la regiono e vicina monti. Inkao imperio developis til 1535 kande Hispaniani destruktis l'imperio[2].

Hispaniani establisis kolonii en la regiono dum la 16ma e la 17ma yarcenti. Pos deskovrar arjento en Potosí Hispania koncentris lua atenco en Bolivia, e nomezis la regiono Alto Perú. En 1559 la regiono divenis parto di Vice-Rejio di Peru, kun chef-urbo en Sucre[2]. Dum koloniala periodo okuris multa rebelioni nesucesoze di indijeni, specale de fino di 18ma yarcento til komenco di 19ma yarcento.

Bolivia divenis nedependanta de Hispania en 6 di agosto 1825. Simón Bolívar helpis Antonio José de Sucre dum nedependo-milito. Por ca motivo, lando recevis la nomo Bolivia. En 1826 Antonio José de Sucre divenis l'unesma prezidanto di lando[2].

Dum la guvernerio de Andres de Santa Cruz en 1836, Bolivia invadis Peru e formis Bolivia-Peru Konfederuro. Kun la falio di invado, konfederuro finis.

Inter 1879 e 1883 okuris Pacifiko-milito, kontre Chili. Kom rezulto, Bolivia perdis lua aceso ad Oceano Pacifiko.

En 1903, kun Petrópolis-kontrato, Bolivia perdis la regiono di Acre a Brazilia. Dum Unesma mondomilito lando restis neutrala. De 1932 til 1935 Bolivia militis kontre Paraguay en Chaco-milito. Kom rezulto, Bolivia perdis granda parto di la regiono di Chaco por Paraguay.

De 1935 til 1952 okuris diversa armeala rebelesi. En 1943 lando deklaris milito kontre nacional-socialista Germania ma lando ne sendis soldati por kombatar en Europa. En 1945 lando divenis membro di Unionita Nacioni[2].

CIA entrenis e furnisis pekunio a Boliviana militisti dum 1960a yari. Che Guevara mortigesis ye la 9ma di oktobro 1967 da Boliviana militisti kun helpo di CIA. En 1979 ed en 1981 okuris elekti kun akuzi di fraudi. On okuris stato-stroki ed armeala guverni. Dum lia guvernisteso okuris violento kontre homala yuri, augmentis la vendo di drugi, ed ekonomiala kaoso, kun granda kresko dil inflaciono. Armeala revolto ekpulsis lu de povo en 1981. En 1982 la rezulto di elekti qui okuris en 1980 proklamesis, e Hernán Siles Suazo asumis povo, e guvernis til 1985. Ta yaro okuris anticipita elekti, e Víctor Paz Estenssoro asumis povo por guvernar 4 yari, til 1989.

Politiko[redaktar | edit source]

Bolivia esas republiko. La prezidanto (nune Evo Morales) esas la chefo di stato e la chefo di guvernerio. La Kongreso havas 2 chambri: Senato (kun 27 membri) e Koncilantaro (kun 130 membri). Nuna konstituco adoptesis en 7 di februaro 2009.

Bolivia havas 2 chef-urbi: la judiciala chef-urbo esas Sucre (ube jacas la Suprega Judicieyo di lando), l'administrala chef-urbo esas La Paz.

Geografio[redaktar | edit source]

Mapo di Bolivia, kun lua precipua urbi.
Uyuni.

Andi montaro jacas en westo di teritorio, cirkum la bordero kun Peru e Chile. La maxim-granda monto esas Nevado del Sajama, kun 6,542 metri di altitudo. Nordala regiono (Beni) esas kovrata da Equatorala foresto.

L'urbo di La Paz.

La Paz, la duesma granda urbo di lando, jacas 16°30' S e 68°8' W, en altitudo di 3,600 metri.

Ekonomio[redaktar | edit source]

Exquisite-kfind.png Videz anke: Ekonomio di Bolivia.

La precipua produkti por exportacajo di Bolivia esas hidrokarbidi (45%), minerali (27%), fabrikata vari (24%) ed agrokultivala produkti (4%). L'exportacaji kreskis plu kam 30% de 2010 til 2011. Brazilia (33%), Arjentinia (11%), Usa (10%), Japonia (6%), Peru (5%), Sud-Korea (5%), Belgia (4%), Populala Republiko di China (3%) e Venezuela esas la precipua merkati por Boliviana produkti.

Demografio[redaktar | edit source]

Rasala distributeso en Bolivia esas aproxime 30% Qechuan indijeni e 25% Aymaran indijeni. Altra indijeni esas Chiquitani (180,000) e Guarani (150,000). Depos pura indijeni, la sequanta grupo esas mixita rasi. Blanki decendanti di Europani esas la 3ma rasala grupo. Decendanti di Afrikani esas 0,5%.

La maxim granda urbo esas Santa Cruz de la Sierra, kun 2,102,998 lojanti en 2010.[3]

Kulturo[redaktar | edit source]

Tradicionala vestari dum un festo en Bolivia.

La kulturo di Bolivia havas influi de Quechua ed Aymara indijeni, plu altra populala kulturi di Latin Amerika. Lando havas richa folkloro. Lua folklorala muziki e dansi esas distingiva e variata. Diablada, la "Danso dil diablo", okuras en karnavalo di Oruro ed esas un di maxim importanta folklorala eventi di Sud-Amerika.

Kulturala developo dividesas en 3 historiala epoki: preKolumbiana periodo, koloniala periodo e republiko. Importanta arkeologiala ruini restas de prekolumbiana periodo, specale en Tiwanaku, El Fuerte de Samaipata, Incallajta ed Iskanawaya.

Hispaniani trovis lua kulturo e religiala arto, qua mixuris kun la kulturi di lokala indijeni, e kreis richa e distingiva stilo di arkitekturo, pikto e skulto konocata kom "mestica baroko".

La muziko havas Andiana, Aymarana, Afrikana e Hispana influi. Bailecito, Kullawada, Tonada (o, direkte Tinku), Taquirari, Carnavalito, Lamento, Saya, Tuntuna, Taki Taki e Cueca esas populala stili en Bolivia.

Boliviana literaturo sufris kun l'ofta politikala nestabileso: mult autori ekmigris o suspensis la skribo dum opresiv epoki. Ancien autori, kom Adela Zamudio, Oscar Alfaro, e Franz Tamayo kontinuas esar importanta.

Referi[redaktar | edit source]

  1. Bolivia World Gazetteer
  2. 2.0 2.1 2.2 2.3 Enciclopédia Delta Universal, vol 3 - pag. 1337 til 1343. Editora Delta, Rio de Janeiro, Brasil, 1989
  3. "The World Gazetteer"
Commons
Commons havas kontenajo relatante a:


LocationSouthAmerica.png
Landi en Sud-Amerika
Arjentinia | Bolivia | Brazilia | Chili | Kolumbia | Equador | Guyana | Panama | Paraguay | Peru | Surinam | Trinidad e Tobago | Uruguay | Venezuela
dependanta teritorii: Falklandi | Franca Guyana