Boris Konstantinovich Aaronov

De Wikipedio
(Ridirektita de Boris Aaronov)
Boris Konstantinovich Aaronov
Boris Aaronov
Profesiono: docisto
Lando: Ukraina
Naskodato:
Nasko-loko: Kiyiv[1], Rusa imperio
Mortodato: 1 di agosto 1987
Morto-loko: Kiyiv, RSS Ukraina, Sovietia

Boris Konstantinovich Aaronov (n. ye la 2ma di marto 1907[1] til la 1ma di agosto 1987) esis Sovietiana e Ukrainana idisto. Il esis konocata en la tota idista mondo ja de 1927. Il havis guidanta rolo en l' Ukrainana Societo "Amikeso". Aaronov skribis di verki pri ed en Ido, ed altra temi, ma prefere por okazioni specala[2].

Nia kansono da Boris Aaronov[2]
(dedikita a Renkontri amikala, Kiyiv, 1970)

Suno brilas gaya,
cielo nenuboza,
ni marchadas kune
joya, kurajoza !
Omni es amiki,
omni es egala,
nula enemiki -
union' fratala !
Kredas ni, ke venos
tempo expektanta
e popul' omnube
esos parolanta
en Helpanta linguo,
linguo ideala
por ke sempre vivez
Union' mondala !
Hisez do plu alte
nia red standardo !
Brilez nia Stelo !
Flugez nia kanto !
Sonez Ido-voco
tra la mari, monti
por ke omni videz
klara horizonti !

Referi[redaktar | redaktar fonto]

  1. 1,0 1,1 Ааронов Борис Константинович - Publikigita da Книга памяти Украины (Электронная база данных 1941-1945). URL vidita ye 31ma di julio 2022. Idiomo: Rusa.
  2. 2,0 2,1 Louis Pascau, Tazio Carlevaro - Modern Ido-Poeti (unesma aparo en 1981 - nova edito 2019) - Publikigita da Editerio "Hans Dubois" (arkivita). URL vidita ye 31ma di julio 2022. Idiomo: Ido.