Burkina Faso

De Wikipedio
Irez ad: pilotado, serchez
Burkina Faso
Flag of Burkina Faso.svg Coat of arms of Burkina Faso.svg
Flago di Burkina Faso Blazono di Burkina Faso
Mapo di Burkina Faso
Chefurbo: Ouagadougou
·Habitanti: 821,474 (2003)
Precipua urbo: Ouagadougou
Oficala linguo: Franciana
Guvernerio: Republiko
·Prezidisto: Blaise Compaoré
·Chefa ministro: Tertius Zongo
Surfaco: (74ma granda)
·Totala: 274,200 km²
·% aquo: 0,146
Habitanti: (61ma granda)
·Totala: 15,746,232[1] (2009)
·Lojanto-denseso: 57,4 hab./km²
Nacionala himno: Une Seule Nuit
Pekunio: West-Afrikala Franko CFA
Reto-kodo: .bf
Precipua religio: Islamo, Animismo, Kristanismo

Burkina Faso esas lando qua jacas en west-Afrika. Lua vicina landi esas en nordo e westo Mali, en esto Nijer, en sud-esto Benin, en sudo Benin, Togo e Ghana, en sud-westo Ivora Rivo.

Historio[redaktar | edit source]

Exquisite-kfind.png Videz anke: Historio di Burkina Faso.

La centro di nuna Burkina Faso esis habitita da Mossi populi, qua formis diversa rejii dum la 16ma yarcento. La maxim povoza esis la rejii di Wagadogo (Ouagadougou) ed Yatena. Dum la 19ma yarcento, pos intensa rivaleso inter Britaniani e Franciani en la regiono, la Mossi rejio di Ouagadougou esis vinkita da Franciani, e Francia establisis protektorato en la regiono ye 1896. Ye 1904 diversa teritorii okupita da Francia apud Volta fluvio esis unionita e formis Franca West Afrika. Bamako, en nuna Mali, divenis chef-urbo di la kolonio.

Ye 1 di marto 1919 esis establisita Franca Supra-Volta, separita de Franca West Afrika, por strategiala ed ekonomiala motivi. La kolonio esis rinomizita Supra Volta, e François Charles Alexis Édouard Hesling divenis lua unesma guverniestro. Ye 1947 ol divenis parto di Franca Uniono.

Ye 11 di decembro 1958 Supra-Volta ganis propra guverno e divenis autonoma republiko en Franca Komuneso. Lando divenis komplete nedependanta de Francia ye 5 di agosto 1960 kun la nomo di Supra-Volta. Lua unesma prezidisto esis Maurice Yaméogo. La 1960 konstituco determinis ke la prezidisto e la nacionala asemblajo esus elektita por 5-yara periodo, ma poka pos divenar prezidisto, Yaméogo proskriptis tota la politikala partisi, ecepte lia partiso, UDV. Lia guverno lastis til 3 di januaro 1966 kande il esis renversita da stato-stroko. Mayoro-Generalo Sangoulé Lamizana asumis povo e guvernis til 25 di novembro 1980 kande il esis renversita da nova stato-stroko. Saye Zerbo divenis prezidisto, til 1982.

Ye 1984 Supra-Volta rinomizesis kom Burkina-Faso.

Politiko[redaktar | edit source]

La konstituco di 1991 establisis parlamentala e mi-prezidantala republiko. La chefo di stato esas la prezidisto, elektata da populo por 5-yara periodo. Nune esas Blaise Compaoré. La chefo di guverno esas la chefa ministro, nune Tertius Zongo.

La parlamento (Assemblée) havas 2 chambri: Chambro di Reprezentanti (la Chambre des Représentants), e la Asemblajo Nacionala (Assemblée Nationale), kun 111 membri.

Geografio[redaktar | edit source]

Topografiala mapo di Burkina-Faso.

La klimato esas tropikala kun 2 sezoni. La pluv-sezono duras 4 monati (de mayo/junio til septembro). En la sik-sezono, eventas varma venti di Sahara.

Ekonomio[redaktar | edit source]

Exquisite-kfind.png Videz anke: Ekonomio di Burkina Faso.

Demografio[redaktar | edit source]

La maxim granda urbo esas Ouagadougou. Altra importanta urbi esas Bobo Dioulasso e Kougoudou.

Kulturo[redaktar | edit source]

Referi[redaktar | edit source]

  1. The World Factbook: Burkina Faso CIA
Commons
Commons havas kontenajo relatante a:


Nedependanta stati en Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando