Chacabuco-batalio

De Wikipedio
Irez ad: pilotado, serchez
Chacabuco-batalio
Battle of Chacabuco.jpg
Patriota trupi marchas vers Chacabuco.
Konflikto Milito por la nedependeso di Chili
Dato 12 di februaro 1817
Loko proxim Santiago, Chili
Rezultajo Vinko di patrioti kontre royalisti
Militanti
Andi armeo Royalisti loyala a Hispania
Komanderi
José de San Martín Rafael Maroto
Totala forci
3.600 soldati (infantrio e kavalrio), 9 pafili 1.500 (infantrio) o 1.650[1]
Perdaji
110 morti o vunditi 500 morti o vunditi
600 militala kaptiti

Chacabuco-batalio esis importanta batalio en la nedependeso-proceso di Arjentinia e Chili. Ol okuris ye 12 di februaro 1817 e patriota trupi komandita da José de San Martín vinkis forci loyala a Hispania e komandita da Rafael Maroto.

Skiso di atako[redaktar | edit source]

San Martín savis ke por liberigar komplete Arjentinia ed altra regioni en Sud-Amerika de Hispaniana dominacajo, oportis vinkar royala armeo en Supra Peru (nune Bolivia), ma ta nur esis posibla kun la helpo di l'armeo di Simón Bolívar, de nordo. La du armei riunigus en Peru e pose atakus Supra Peru.

San Martín anke kalkulis ke un atako de sudo kontre Supra Peru afrontus granda rezisto. Tale, il projetis atakar Hispaniani ante en Chili e pos marchar norde til rinkontrar Bolívar en Peru. Il konceptis krucumar Andi e facis ta en 4 punti, por Hispaniani ne savar ube l'atako okurus. De Mendoza kun la helpo di Bernardo O'Higgins il komencis krucumar la montaro ye 19 di januaro 1817 e finis ye 8 di februaro. Malgre la suceso San Martín perdis 1/3 de lia armeo en la krucumo.

Kande Hispaniani savis ke San Martín jacis en Chili, li movis norde por blokuzar il, ed establisis su en la valo di Chacabuco. San Martín deskovris da un spiono la skiso di Hispaniani, e lansis atako ye 12 di februaro. Lia trupi cirkumiris Hispaniani, kaptis importanta punto di artilrio e vinkis la batalio. Ye 13 di februaro vinkoza San Martín eniris Santiago. Patrioti perdis nur 12 soldati en la batalio, ma cirkum 120 mortis pose kom konsequo di vundi dum la kombati[2].

Referi[redaktar | edit source]

  1. Los Defensores del Rey Fernando Campos Harriet - Editorial Andrés Bello
  2. Harvey, Robert (2000). Liberators: Latin America’s Struggle for Independence. New York: The Overlook Press.