Chiquinha Gonzaga

De Wikipedio
Irez ad: pilotado, serchez
Chiquinha Gonzaga
Chiquinha 6a.jpg
Profesiono: kompozistino, muzikistino e maestrino
Lando: Flag of Brazil.svg Brazilia
Nasko-dio: 17 di oktobro 1847
Nasko-loko: Rio de Janeiro, Brazilia
Morto-dio: 28 di februaro 1935
Morto-loko: Rio de Janeiro, Brazilia

Chiquinha Gonzaga (n. Francisca Edwiges Neves Gonzaga ye 1847 til 1935) esis Braziliana kompozistino, muzikistino (pianistino) e maestrino. El kompozis e fonografis l'unesma marchinha (muziko por karnavalo) en Brazilia, Ó Abre Alas.

Elua patro esis un generalo di armeo, José Basileu Gonzaga, e lia matro esis un povra mulatino, Rosa Maria de Lima. Chiquinha esis kreita en richa familio - lua baptopatro esis la Duko di Caxias e, dum la republiko, el divenis amikino de Nair de Tefé, spozino di la prezidisto Hermes da Fonseca. Kun 11 yari-evo, el kompozis lua unesma muziko, Canção dos Pastores, por Krist-nasko.

Kun 16 yari-evo, el esis obligita a mariajar Jacinto Ribeiro do Amaral, qua ne aceptis elua muzikala kariero. Pos parturar lua 3ma filiulo, el abandonis lua spozo, kun lua olda filiulo João. Ye 1867 el vivis kun l'injenioro João Batista de Carvalho, ma anke abandonis il por ne aceptar lia exterspozala aferi.

Chiquinha komencis docar muziko e plear piano por vivar. El kompozis valsi, tango e polki, e divenis l'unesma populala kompozistino di Brazilia, kun la valso Atraente ye 1877. Ye 1911 lua opereto Forrobodó atingis 1500 prizentadi, granda suceso en l'epoko.

Chiquinha anke partoprenis en le politikala movadi kontre sklaveso e por la republiko.