Dania
De Wikipedio
|
|||
| Oficala linguo | Daniana | ||
| Chefurbo | København (504 664 lojanti) | ||
| Altra urbi | Aarhus, Odense | ||
 |
|||
| Guvernerio | Monarkio | ||
| Rejino | Margrethe 2ma di Dania | ||
| Chefa ministro | Lars Løkke Rasmussen | ||
| Surfaco | 43 094 Km² | ||
| Lojanti Lojanto-denseso |
5.470.919 (2007) 129,04 hab/km² | ||
| Pekunio | Krona di Dania | ||
| Nacionala himno | Der er et Yndigt Land | ||
| Religio precipua | Kristanismo 91,6% | ||
Dania jacas en Europa. Lua vicina landi esas Germania, en sudo, e Suedia en esto.
Bazala fakti pri Dania.
Indexo |
[redaktar] Historio
L'unesma konocata habitanti di Dania vivis cirkum 13.500 aK. Agrokultivo existis en la regiono depos 3.900 aK.
En komeco di 8ma yar-cento, pagana populi en regiono organizis e formis Vikingi populo. Granda nav-konstruktisti, ili koloniigis e dominis multa regioni en nord-Europa note Islando, Irlando, Britania, Normandia, Rusia, e mem Newfoundland en fora westo.
Ye 965 ili esis konvertita a kristanismo.
Dum Mez-epoko, Daniana reji guvernis parto di Estonia e Skandinavia. Ye 1397 Dania eniris Kalmar-Uniono, kun Norvegia e Suedia. Ica uniono mantenis Skandinavia unionita til 1523, kande Suedia livis ol.
Ye 1536 Dania esas konvertita ad Luteranismo. Inter 1611 e 1613 rejulo Christian 4ma di Dania militis kontre Suedia en Kalmar-milito, ma ne sucesis en unonar Dania e Suedia. Pos milito, Suedia esis koaktigita a pagar 1 miliono di arjenta moneti kom milita indemneso a Dania. Rejulo Christian uzis ca pekunio por fondar urbi, kom Glückstadt, Christiania (nune Oslo) e Kristianstad.
Ye 1864 Dania cedis la provinco di Schleswig-Holstein a Prusia.
[redaktar] Politiko
Dania esas monarkio. Nuna chef-stato esas rejino Margrethe 2ma di Dania. La chef-guvernerio esas la prima ministro, nune Anders Fogh Rasmussen.
La Parlamento (Folketing) havas 179 membri. Grenlando e Faero Insuli esas autonoma teritorii di Daniana Rejio. Ye junio 2009 Grenlando divenos stato en la rejio di Dania.
[redaktar] Geografio
Lando konsistas en peninsulo di Jutland ek 1419 insuli (443 insuli havas propra nomi). La maxim granda distanco de nordo til sudo esas 452 km, e de esto til westo esas 368 km.
L'averajala altitudo di lando esas 31 metri, e la maxim alta monto havas 170,8 metri (monto Møllehøj).
[redaktar] Ekonomio
Vidas anke: Ekonomio di Dania.
Dania refuzis l'adopto di Euro kom pekunio ye 1 di januaro 1999.
[redaktar] Demografio
Granda parto di Daniana populo decendas de Skandinaviana populi. Enmigranti reprezentis 8,9% di totala populo ye 1 di januaro 2007, segun oficala statistiki.
[redaktar] Kulturo
Publika skolo esas gratuita. Preske 99% di populo studias o studiis primara skolo, 86% kompletis sekundara skolo e 41% l' universitato.
[redaktar] Cetera aferi
 |
|
 |
|---|---|---|
| Austria – Belgia – Bulgaria – Chekia – Chipro – Dania – Estonia – Finlando – Francia – Germania – Grekia – Hispania – Hungaria – Irlando – Italia – Latvia – Lituania – Luxemburgia – Malta – Nederlando – Polonia – Portugal – Rumania – Slovakia – Slovenia – Suedia – Unionita Rejio Altra kandidato-stati: Kroatia – Republiko Macedonia – Turkia |
||
