Daniela Mercury

De Wikipedio
Daniela Mercury
Profesiono: Kantistino e kompozistino
Lando: Brazilia
Naskodato: 28 di julio 1965
Nasko-loko: Salvador, Bahia, Brazilia
Mortodato:
Retoloko: http://www.danielamercury.com.br

Daniela Mercury (n Daniela Mercuri de Almeida ye la 28ma di julio 1965) esas Braziliana kantistino e kompozistino di Axé, Samba-reggae e populala Braziliana muziko. El anke esas muzikala produktistino.

Kande el evis 8 yari, el komencis recevar lecioni di danso[1], note baleto, jazo ed Afrikana dansi[2]. Por influo de la muziko di Elis Regina, evanta 13 yari el decidis divenar kantistino[2]. El komencis interpretar bossa nova e muziki de Gilberto Gil, Caetano Veloso e Chico Buarque[2]. En 1981 el unesmafoye kantis en Trio Elétrico (kamiono kun granda fono-buxi, uzata en la karnavalo di Salvador. El mariajis injenioro Zalther Póvoas e havis du filii. Li divorciis en 2012, ed en 2013 Daniela mariajis jurnalistino Malu Verçosa.

Kariero[redaktar | redaktar fonto]

De 1986 til 1988 el esis la precipua kantistino di la bando Cheiro de Amor. Dum la komenco di la yari 1990a el decidis komencar sola kariero. En 1991 el lansis lua unesma sucesoza fonografuro, Swing da Cor, kun Olodum. La sequanta yaro el lansis O Canto da Cidade da muzikal ateliero Sony Music. La CD vendis plu kam 2 milioni kopii en Brazilia[3].

La kariero di Daniela Mercury kreskis en Brazilia ed en exterlandi. Ye 1997 el ganis Grammy-premio por la vivanta versiono di albumo Balé Mulato. El esis la duesma Braziliana persono premiata kom ambasadero di UNICEF, l'unesma esis populala komediisto Renato Aragão. El anke esas ambasadero di UNAIDS ed UNESCO.

Referi[redaktar | redaktar fonto]

  1. Biografio, en All Music guide
  2. 2,0 2,1 2,2 Biografio vortaro di Braziliana muziko, da Cravo Albin
  3. Daniela Mercury - biography