Demand Note
Demand Note esis papera pekunio facita inter agosto 1861 ed aprilo 1862 dum Usana interna milito en 5, 10, e 20 dolori. Originala legifado referis a la pekunio kom "treasury notes". La nomo Demand Note uzesis pose pro ke la pekunio esis uzebla kande on volis (demand en l' Angla) por oro ed arjento qui pokope mikreskis tatempe pro la trezorifado di vari. La guvernerio di Usa uzis Demand Note-i por pagar spensaji ed anke por pagar la salarii di laboristi e soldati. Kande la populo lernis ke la pekunio esis chanjebla por oro, oli komencis cirkular tam multe kam la moneto di oro ed arjento antee.
Pro la facile videbla verda inko uzita en la dorso di omna Demand Note-i, ol nomesis "greenbacks". Tamen, altra pago-promisi di ta tempo, exemple Interest Bearing Notes (pago-promisi kun interesto) e pose Legal Tender Notes (legala pago-promisi), qui facesis en plu granda quanteso, anke igis ta surnomacho. La averso di ta pago-promisi havis familiara eleminti exemple la sen-pila aglo, Abraham Lincoln, ed Alexander Hamilton; tamen, la portreti uzesis en Demand Note-i esas diferanta kam ti qui uzesas en Usa kom pekunio hodie.
Demand Note-i esas la precedanto di altra tipo di Usana papera pekunio kun la nomo Legal Tender Notes (legala pekunio). Tamen, tatempe kun Legal Tender Notes ne esis posibla komprar oro od arjento, e do Demand Note-i esis plu populara. Pro to, multa Demand Note-i esis ja chanjata e multa ek li ne existas hodie.
Design[redaktar | redaktar fonto]
| Value | Series | Imaji | Portrait |
|---|---|---|---|
| $5 | 1861 | 
|
Alexander Hamilton |
| $10 | 1861 | 
|
Abraham Lincoln |
| $20 | 1861 | 
|
Liberty Vignette |
|
Ica pagino uzas kontenajo del Angla Wikipedio. On povas trovar l'originala artiklo ye en:Demand_Note; ol uzesas segun la GFDL-reguli. |