Diablo

De Wikipedio
Irez ad: pilotado, serchez
Reprezenturo di un diablo en pikturo de Mez-epoko.

Diablo (de Greka vorto διάβολος diávolos, "difamanto", "(lu) ke akuzas") en la religio kristana esas la demono di lo mala, Satano, princo dil angeli rebela. En multa altra religii esas povoza supernatura bestio ke personigas la malo. Segun l'una o l'altra kulturi, il povas esar fakte un opozanta a la kreanta Deo, o nur komik alegorio, od abstrakt aspekto de homala stando.

Dum ke por judaismo ne havas konkrata konceptajo pri diablo, por islamismo e por kristanismo diablo esas un rebela angelo, o demono qua tentas homi a pekar. En ta religioni, diablo asumis dualista stando generale asociita kun hereziani ed altra nekredanti. Tale, la diablo reprezentas la krizo di kredo, individualismo, arbitrio, sajeso e raciono.

En kelka sociala o politikala konflikti personi uzas la konceptajo di "diablo" ed afirmas ke lua opozanti agas sub influo dil diablo, o ke volunte suportas la diablo. Altra uzas la konceptajo di diablo por alegar ke altra religiala fidi esas falsa e despia.

En Kristana e Bibliala fonti, "Beelzebub" (en Hebrea linguo בעל זבוב‎, Baʿal Zəbûb), deo ke protektis l'urbo di Ekron en Filistia, esas konsiderata un di sep princi di inferno.

Wikipedio
Wikivortaro explikas
ca rubriko
en altra lingui: Diablo