Edukado en la antiqua Roma

De Wikipedio
Irez ad: pilotado, serchez

La edukado en la antiqua Roma progresis de neformala e familiala sistemo di la frua republiko a la instruktistala sistemo di la posa republiko e di la imperio. La Romana edukadosistemo bazesis sur la Grekiana sistemo. Multa de la privata instruktisti en la Romana sistemo esis originale Grekiana sklavi o liberigita viri. Pro la vasteso di la Romana imperio, la metodologio e la studioprogrami di la Romana edukadosistemo esis kopiigita en sua provinci. Tale la edukadosistemo Romana divenis la bazo di edukadosistemo omnaloke en la posa civilizeso westa. Organizita edukado restis pasable rara. Existas poka prima fonti o deskripti pri la Romana edukala proceso ante la duesma yarcento. Pro la nivelo e la qualeso di la edukado, donita a la Romana pueri, alternis tre multe inter la familii. Tamen la populala etiko di la Romani pokope expekteskis, ke la patri mustus kelke edukigar sua pueri. Irga Romano, qua deziris partoprenar en la politiko, expektesis havar la kompleta eduko avancita.