Edward 1ma di Anglia

De Wikipedio
Irez ad: pilotado, serchez
Edward 1ma di Anglia
Edward I of England.jpg
Rejo di Flag of England.svg Anglia
Periodo di guvernerio: de 16 di novembro 1272 til morto
Precedanto: Henrik 3ma di Anglia
Sucedanto: Edward 2ma di Anglia
Nasko-dio: 17 di junio 1239
Nasko-loko: Kastelo di Westminster Anglia
Morto-dio: 7 di julio 1307
Morto-loko: Burgh by Sands
Spozo: Eleonore di Kastilia (1254-1290), Marguerite di Francia (1299-1307)

Edward 1ma (1239 til 1307) esis la rejo di Anglia de 1272 til 1307. Lua epiteto esis Edward Longshanks o Hammer of the Scots.

Ye 30 di marto 1296, en kampanio kontre Skotia, il asaltis l'urbo Berwick-upon-Tweed, che la frontiero di Anglia e Skotia. Ca urbo esis komercale importanta por Skotia. Ol esis kaptata e plura mil homi en l'urbo ocidesis. La garnizono en la kastelo dil urbo ulagrade rezistis, ma ol balde cedis. Ca kampanio di Edward sequis la refuzo di chefi en Skotia suportar ilua projetata kampanio kontre Francia. En 1294 Francia prenabis la provinco Gaskonia, qua esis posedajo di Anglia. Skota chefi, egardante Francia kom asociito, refuzis helpar. Li ne egardis la supozata rejulo di Skotia John Balliol, qua esis quaza vasalo di Edward 1ma.

Ye 27 di aprilo 1296 en la Skota kampanio di rejulo Edward 1ma l’Angla armeo esis vinkoza ye la batalio di Dunbar. Pos la preno di l'urbo Berwick-upon-Tweed, l'armeo avancabis alonge la marobordo e kaptabis la kastelo di Dunbar. Skota armeo avancis de vicina urbeto Haddington por sokursar la kastelo. En la batalio l’Angla kavalrio, pos kurta periodo di manovrado, fugigis la Skota kavalrio. Esis nemulta morti, tamen multa Skota kavalieri kaptesis. Ol esis la konkluzala batalio di la kampanio. Tamen en sequanta yari esis plusa rebelesi en Skotia, notende olta di William Wallace en 1298. En 1306 Robert Bruce komencis kampanio di Skota nedependeso. Edward 1ma, qua ne agnoskis Robert kom Skota rejo, mortis dum voyajo vers Skotia por direktar opozala kampanio.