Ekonomio di Guatemala

De Wikipedio
Ekonomio di Guatemala
Pekunio Quetzal
Internaciona organizuri OMC, DR-CAFTA
Statistiki [1]
Totala nacionala produkturo (TNP) US$ 141,5 miliardi (2020)
Rango TNP 77ma[2] maxim granda
Kresko di TNP 2,8% (2020)
TNP po persono US$ 8 200
TNP segun sektoro agrokultivo 13,3%, industrio 23,4%, servadi 63,2%
Inflaciono 3,7% (2019)
Habitantaro sub la povreso-lineo 59,3 % (2019)
Laboro-povo 6 664 000 (2020)
Laboro-povo segun okupado agrokultivo 31,4%, industrio 12,8%, servadi 55,8%
Chomeso 2,3% (2019)
Komercala parteneri [1]
Exportaci (US$) 13 120 milioni (2020)
Precipua parteneri Usa 33%, Salvador 12%, Honduras 8%, Mexikia 5%, Nikaragua 5% (2019)
Importaci (US$) 19 300 milioni (2020)
Precipua parteneri Usa 36%, Popul-Republiko Chinia 12%, Mexikia 11%, Salvador 5% (2019)
Publika financi [1]
Extera debo 22,92 miliardi (2017)
Revenuo totala (US$) 8 164 milioni (2017)
Spenso totala (US$) 9 156 milioni (2017)
Noto: Ecepte kande kontree mencionata, valori en ca tabelo esas en Usana dolari
Guatemala-urbo

Esanta la maxim populoza lando di Central Amerika, Guatemala dependas forte de agrokultivo, qua reprezentas 13% de lua TNP ed employas 32,7% de lua laboro-povo.[1] Lua precipua produkturi por exportaco esas sukro, kafeo, banano e legumi.[1]

La pakto pri paco en 1996, qua finis la 36-yara interna milito, eliminis la precipua obstaklo por extera kolokado, e de 1996 til nun la lando adoptis ekonomiala reformi e stabligo. La kontrato DR-CAFTA (signatita da Central-Amerikana landi plu Dominikana Republiko kun Usa) efikeskis en julio 2006, ed stimulis exterlanda kolokado e diversigo di exportaci.[1]

Lua TNP po persono esas la duimo di olta di Arjentinia o Brazilia.[1] La koncentro di richeso en manui di le richa duras esar alta: la 20% maxim richa reprezentas plu kam 51% de la konsumo di vari en la lando, e 23% ek l'individui transvivas sub povreso-lineo.[1]

Referi[redaktar | redaktar fonto]