Eurodance

De Wikipedio
Irez ad: pilotado, serchez
2 Unlimited, Nederlandana grupo di Eurodance, kreita dum 1990a yari.

Eurodance esas muzikala jenro qua originis en fino di 1980a yari da fuziono di House Music, Techno, Hi-NRG ed specale Eurodisco. Kun multa uzado di sintezanta klavari, altra elektronikal instrumenti, e repetita exempleri de altra enrejistrita muziki, la ritmo di Eurodance muziki generale havas de 110 til 150 batadi per minuto.

La nomo Eurodance indikas ke ta jenro originis unesme en Europa, malgre nune existas grupi di Eurodance en Japonia ed altra ne-Europana landi. Inkluze kelka Usan artisti, kam Lady Gaga e Madonna recevis influi de Eurodance.

La muziki generale homina vocali, ed esas kantata en Angliana linguo senegarde la nacioneso di kantisti o grupi, ma existas kantisti e grupi ke anke kantas en lua propra linguo. On existas multa muziki kreita, pleita ed enrejistrita da disk-jokei e ne da muzikisti o grupi, malgre la disk-jokeo povas kontratar un kantisto por pozar lia voco en la registrado, kom okuris kun Anita Doth e Ray Slijngaard por formacar 2 Unlimited, o Tania Evans por formacar Culture Beat, od Italiana kantistino Alexia.

Kelka notora grupi di Eurodance dum 1990a yari esis Eiffel 65, Captain Hollywood Project, DJ Bobo, edc.