Fernando de Noronha

De Wikipedio
Irez ad: pilotado, serchez
Plajo Sancho, en Fernando de Noronha (centro dil imajo) kun roka insuleti Dois Irmãos ("du frati").

Fernando de Noronha esas arkipelago en Atlantiko formata da 26 insuli qua partoprenas a Brazilia. Ol jacas ye 3º51'Sudo e 32º25'Westo, 354 km este de Braziliana litoro, 360 km este de Natal e 545 km nord-este de Recife.

L'arkipelago esas konsiderata parto dil stato di Pernambuco. Lua precipua insulo nomizas Fernando de Noronha, e havas 18,4 km² kun totala populo di 3.012 personi segun la demografiala kontado 2010. L'altra insuli (Rata, Ilha do Meio, Sela Gineta, Rasa) ne havas habitanti. Un nacionala parko, Parque Nacional Marinho de Fernando de Noronha prezervas granda parto di lua teritorio de homala okupeso e protektas endemika speci. Proxim l'arkipelago on povas vidar delfini, sharki, tortugi qua ovifas en l'arkipelago e fishi qua vivas en koralii.

Plajo Conceição, kun Morro do Pico, la maxim alta monto di l'arkipelago.

Lua klimato esas tropikala kun du sezoni: pluvoza de marto til septembro e preske totale sika la restajo dil yaro[1]. Lua maxim alta monto esas Morro do Pico, kun 321 metri di altitudo.

Lua ekonomio esas bazata en turismo: granda nombro di turisti vizitas lua neta plaji kun klara aqui ube on povas vidar fishi. L'insulo esas un cielo por sportisti qua deziras submersar en lua aqui - on havas klara vido til 30 o 40 metri sub mar-nivelo - o navigar en ond-agiteso. Granda parto di lua populo verkas en od esas proprietanti di hoteleti o restoreyi, o kom guid-dukteri por turisti. Nur existas un unika filialo di banko en l'arkipelago.

Referi[redaktar | edit source]

  1. http://www.ilhadenoronha.com.br/ailha/clima_em_fernando_de_noronha.php