Georges Danton

De Wikipedio
(Ridirektita de Georges-Jacques Danton)
Georges Danton

Georges Jacques Danton (n. ye la 26ma di oktobro 1759 en Arcis-sur-Aube - gilotinagita la 5ma di aprilo 1794 (segun la Franca republikana kalendario: 16 germinal an II) esis Franca politikisto, bonega diskursanto qua influis la populo dum la Franca revoluciono.

Kom puero, ilua vizajo esis frapita da bovulo, qua domajis nazo e labii. Il divenis advokato ma preferas irar ad kafe-taverno ube frequentis futurala revolucioneri e trovis richa spozo qua permisis da lu komprar ofico.

En aprilo 1790 Danton divenis la prezidanto di la politikala societo Klubo di Kordieri, qua aspiris tre radikal-revolucionala politiko. Dum printempo di 1790 il demandas a la populo impedar l'aresteso di Jean-Paul Marat. Dum autuno il esis selektita por esar komandanto di batalio di la nacionala guardo. Komenco di 1791 il elektesis ad employo di administrero di Paris-departmento.

Il esis responsebla por la destronizo di Louis la 14ma di Francia e la talanomizita 'septembr-ocidi'. Segun Maximilien de Robespierre Danton esis tro modesta. Danton ne transvivis la Teroro.

Kom unesma prezidanto di la Komitato di publika salvo, fondita ye la 6ma di aprilo 1793, Danton probis kalmigar la lukto inter la diversa partii e plu-humanigar la revoluciono.