Gil Eanes

De Wikipedio

Gil Eanes esis Portugalana navala explorero.

Ye 28 di julio 1434 Gil Eanes departis de kabo Bojador, ye la rivo di nuntempa Westala Sahara, vers Lisboa, por kompletigar voyajo qua inkluzabis, unesmafoye da Europani, navo-voyajo trans kabo Bojador. On lore kredabis ke seglirar sude de ca loko esis neposibla pro la konstanta venti de la westo; plura navi esis perdita dum tala esforci. Princulo Henrique di Portugal ("Henrique la Naviganto") havis intereso pri komerco kun Afrika; il furnisis la moyeni por explorala navo-voyaji en karaveli, sude alonge la marbordo di Afrika. La unesma tala voyajo di Gil Eanes en 1433 faliis atingar trans kabo Bojador, quo desplezis princulo Henrique. Ilua suceso en la sequanta yaro posibligis, da altri, plusa voyaji plu fore; Kabo Verda deskovresis en 1445, e ye 1475 la marbordo sude de la equatoro esis explorita; en 1498 Vasco da Gama segliris trans la sudala kabo di Afrika ed atingis India.

Commons
Commons
Wikimedia Commons havas kontenajo relatante a: Gil Eanes