Guanabara bayo

De Wikipedio
Irez ad: pilotado, serchez
Enireyo di Guanabara bayo, kun Pano di Sukro en la dextra.

Guanabara bayo esas naturala bayo en la stato di Rio de Janeiro, Brazilia. Ol jacas inter l'urbi di Rio de Janeiro en lua westo, Duque de Caxias en nord-westo, Magé en nordo, Guapimirim e Itaboraí en nord-esto, São Gonçalo e Niterói en esto.

Deskovrita ma ne explorita ye 1 di januaro 1502 da Portugalana Gaspar de Lemos, ol recevis la nomo Rio de Janeiro ("rivero di januaro") pro Portugalani konfundar la bayo kun la ekflueyo di un fluvio. L'indijeni nomizis la regiono Iguaá-Mbara (iguaá = marala stretajo, mbará = maro). La portuo di Rio de Janeiro, un di la maxim importanta portui di Brazilia, jacas en ol. En l'insulo di Governador, la maxim granda insulo en la bayo, jacas l'Internaciona Aeroportuo di Rio de Janeiro (aeroportuo Tom Jobim, anke konocata kom aeroportuo di Galeão).

La bayo havas cirkum 412 km² di totala surfaco e mezuras 28 km en lua maxim larja e 1.600 metri en lua maxim streta punti, e 31 km de l'enireyo a lua fondo. L'averajala profundeso di la bayo esas 3 metri en lua fondo, 8,3 metri proxim la Ponto Rio-Niterói e 17 metri en lua enireyo. La vejetantaro en la fondo dil bayo esas formata da manglieri.

La bayo esas krucumata omnadie da katamarani e hidrofolii, qua unionas l'urbo di Rio de Janeiro kun l'insulo di Paquetá e kun l'urbo di Niterói. Inaugurita ye 1974 e kun 13,8 km di extenso, ponto Rio-Niterói unionas Rio de Janeiro kun Niterói, ed anke provizas aceso a voyi ke unionas Rio ad Espírito Santo, a Nord-estala regiono di Brazilia ed a la plaji de la Região dos Lagos.