Hector Berlioz

De Wikipedio
Irez ad: pilotado, serchez
Hector Berlioz
Legros - Berlioz (dessin).jpg
Profesiono: kompozisto
Lando: Flag of France.svg Francia
Nasko-dio: 11 di decembro 1803
Nasko-loko: La Côte-Saint-André, Isère
Morto-dio: 8 di marto 1869
Morto-loko: Paris, Francia

Louis Hector Berlioz (1803 til 1869) esis Franciana kompozisto di Romantismo.

Ye 23 di novembro 1834, lua verko Harold en Italia, por alto ed orkestro, esis unesmafoye pleata. Ol esis inspirata da la poemo Childe Harold's Pilgrimage da Byron. Berlioz kompozis ol por Niccolò Paganini, qua recente aquirabis alto facita da Stradivarius e demandis nova kompozuro en qua il povis plear sua instrumento. Tamen Paganini, plu tarde regardante la kompleta verko, ne deziris plear ol pro ke la parto por alto ne esas suficante salianta; il ne partoprenis la unesma pleado. Kande il unesmafoye audis la verko en decembro 1838, il multe prizis ol ed il sendis gratulanta mesajo a Berlioz, kun 20000 franki.

Ye 12 di januaro 1868 la kompozisto ye la fino di sejorno di un semano en Moskva esis honorata gasto ye receveso en la Halo di la Nobelaro; multa lokala eminenti asistis ca evento. Dum la sejorno il direktis du koncerti, di qua la duesma eventis en la Halo di la Nobelaro. Berlioz pleis muziko da Händel, Mozart, Beethoven, Glinka e su ipsa. Co esis la duesma vizito di Berlioz a Moskva; amba viziti esis exkursi de plu longa sejorni en St. Peterburg. En 1847 il pasis du semani en Moskva ed il direktis un koncerto. Berlioz judikis ke la duesma vizito esis la plu sucesoza, nam la muzikisti en Moskva en 1868 esis plu habila.