Helpo:Adjuntar imaji

De Wikipedio

Atachar imajo ad artiklo esas tre simpla tasko che Wikipedio. Nur esas facenda la sequanta pazi:

  1. En la selektaro nomesanta “utensili”, vu trovos la selekto “Specala pagini”. Kliktez hike.
  2. En la longa listo, existas selekto nomesanta “Adkargar arkivo”. Per ica selekto onu povas adkargar la dezirata imajo ad la servanto di Wikipedio. Kliktez sur lu. Esas remarkinda ke vu ne povos acesar a ica selekto se antee ne eniris a la sistemo per vua uzantonomo.
  3. En la skreno aparos pagino deskriptante ula averto lektenda. En la infra parto dil fenestro aparos anke du texto-buxeti. La supera buxo esas por selektar la arkivo en vua komputoro qua adkargesos. La infra buxo esas nur por prokurar simpla titulo a la imajo. Kande amba texto-buxeto plenigesas, onu devas kliktar sur la butono “Adkargar arkivo”
  4. Se la adkargo agesis bone, la imajo ja esos uzebla en irga artiklo. Exemple, se la imajo quan ni adkargis antee nomesis “jordan.jpg”, ol esos atachebla ad artiklo per la sequanta kodo: [[Image:jordan.jpg]]