Henry 1ma di Anglia

De Wikipedio
(Ridirektita de Henrik 1ma di Anglia)
Irez ad: pilotado, serchez
Henrik 1ma di Anglia
Henry1.jpg

Rejulo di Flag of England.svg Anglia
Periodo di guvernerio: de 2 di agosto 1100 til 1 di decembro 1135
Precedanto: William 2ma di Anglia
Sucedanto: Stephen di Anglia

Personal informi
Nasko-dio: c. 1068
Nasko-loko: Yorkshire, Anglia
Morto-dio: 1 di decembro 1135
Morto-loko: proxim Rouen
Spozo: Matilda di Skotia

Henrik 1ma esis rejo di Anglia e duko di Normandia.

Henrik asumis la rolo di rejulo di Anglia en agosto 1100 ye la morto di lua fratulo William 2ma di Anglia; lua altra fratulo Robert, qua esis plu olda kam Henrik ed expektis divenar rejo, esabis ye la unesma krucomilito depos 1096; ye lua retroveno a Normandia en septembro 1100, Henrik recente esis kronizita. La disputo inter la fratuli, qua inkluzis invado di Anglia da armeo di Robert, finis kande Henrik invadis Normandia. Ye 28 di septembro 1106, Henrik vinkis sua fratulo Robert ye la batalio di Tinchebrai, en Normandia, e tale divenis duko di Normandia. La batalio esis kurta ed esis nemulta vunditi e morti: forsan 100-200. Pos lua vinkeso, Robert esis duktata ad Anglia e dum-vive enkarcerigata; il mortis en 1134.

Henrik 1ma mortis en St Denis-le-Fermont, proxim Rouen, ye 1 di decembro 1135 evante 67 yari. Il ne havis maskula heredanti depos ke lua filiuli William e Richard mortabis en naufrajo dum voyajo de Normandia ad Anglia en 1120.

Henrik 1ma volis ke lua filiino Matilda esez rejo. Tamen lua nevulo Stephen, voyajinte a London de sua domeno en Boulogne ye l'informeso pri la morto, ganis suficanta suporto por prenar la trono ye 22 di decembro. Ilua regno ne esis sekura; Matilda divenis rejino dum plura monati en 1141 ma Stephen riganis la trono. La sequanta rejo, pos la morto di Stephen en 1154, esis la filiulo di Matilda, Henrik, komto di Anjou.

La batalio di Tinchebrai, 1106