Henry 3ma di Anglia

De Wikipedio
(Ridirektita de Henrik 3ma di Anglia)
Irez ad: pilotado, serchez
Henry 3ma di Anglia
Henry III.jpg

Rejo di Flag of England.svg Anglia
Periodo di guvernerio: de 18 di oktobro 1216 til morto
Precedanto: John di Anglia
Sucedanto: Edward 1ma di Anglia

Personal informi
Nasko-dio: 1 di oktobro 1207
Nasko-loko: Kastelo di Winchester, Anglia
Morto-dio: 16 di novembro 1272
Morto-loko: Westminster, London
Spozo: Eleanor di Provenco

Henrik 3ma esis rejo di Anglia de 1216 til 1272. Il esis duko di Normandia til 1239.

Ye 14 di januaro 1236, ye la katedralo di Canterbury, il esis mariajata ad Eleanor, filiino di Raymond Berenger komto di Provenco.

Ye 4 di agosto 1265, en Worcestershire, eventis la batalio di Evesham. Simon De Montfort komto di Leicester, kun Angla baroni e lia armeo, kombatis la rejala armeo di princo Edward (futura rejulo Edward 1ma di Anglia), filiulo di Henrik 3ma. Ye plu frua okaziono, Edward e Henrik esabis enkarcerigata da De Montfort, ma Edward eskapabis. La multe plu granda rejala armeo esis vinkoza e De Montfort ocidesis; ilua entraprezo abandonesis. Simon De Montfort entraprezabis establisar sistemo por regulizar la agi di la rejo, per komitato di 24 membri selektata de nobeli e royalisti, qua esus kontrolata da okazionala parlamento.

Il mortis ye 16 di novembro 1272, evante 65 yari. Il esabis rejo depos 1216; ilua regno lore esis la maxim longa di irga Angla rejo. En la lasta yari il divenis febla ed ilua filiulo Edward, qua sucedis Henrik ye lua morto, agis kom guvernestro, dum ke Henrik esis grandaparte okupata pri ri-konstruktado di la Abadeyo di Westminster. Il volis ke il esez enterigata ibe, e ke ca edifico remplasez la Abadeyo di Fontevraud, en Anjou, Francia, kom kustumala enterigeyo di Angla reji.