Hermosillo

De Wikipedio
Irez ad: pilotado, serchez
Hermosillo
Location Hermosillo.png [[Imajo:|90px]]
Lando Flag of Mexico.svg Mexikia
Stato Sonora
Fondita ye 1741
Fondisto Juan Bautista de Escalante
Lojanti
707 890 (2007)
Altitudo 210 m
Latitudo 29°05'56" N
Longitudo 110°57'15" W
Alkaldo Ernesto Gandara Camou
Internet http://www.hermosillo.gob.mx

Hermosillo (originale Santísima Trinidad del Pitic) esas chef-urbo dil stato Mexikiana Sonora, lokizata ye la centrala regiono dil stato, ye 270 kilometri dil frontiero Mexikia-Usa. Samtempe Hermosillo esas la nomo dil municipo ube l'urbo esas. La municipo havas areo de 14 880,2 quadrata km.

Geografio[redaktar | edit source]

Hermosillo lokizesas ye 29°05' nord-latitudo e 110°57’ west-longitudo, ye 282 metri sur la mar-nivelo, ye 270 kilometri adsure la frontiero di Usa. On povas arivar a Hermosillo per aviono, per la Internaciona Aeroportuo Ignacio L. Pesqueira, de ube on povas voyajar aden la tota Mexikiana Republiko e kelka exterlandana destini. La precipua voyego esas la Internaciona Voyego 15, olqua finas ye la nordo en la frontiero Mexikia-Usa, ed adsure on povas voyajar al centro dil republiko.

Katedralo di Hermosillo.

La municipo Hermosillo posedas propra plajo ube lokizesas un del precipua turistala zoni dil stato, Kino Bayo. Avan Kino Bayo esas la Insulo dil Sharko, naturala parko protektita dal federala guvernerio. Insulo dil Sharko esas anke la maxim granda insulo di Mexikia.


Habitantaro e Demografio[redaktar | edit source]

Segun la lasta Konto di Habitantaro e Domaro dil yaro 2005, la urbo posedis 707 890 habitanti e la tota municipo posedis 734 506 habitanti, quankam extraoficiala konti parolas pri plu multa quanteso di habitanti kam la oficala konti. Granda parto dil populo-kreskado devesas la forta industralizado qua experimentabas la urbo, precipue pro renversi pri automobilifado e la relata industrii. Anke la municipo posedas grando zoni di kultivado qua atraktas multa personi del sudo dil lando.

Hermosillo posedas faktoro di yar-kreskado di 3,13%, ed on evaluas ke ye la yaro 2008 la municipo havos plu kam miliono de habitanti.

En la urbo habitas indijena habitanti dil tribuo Yaqui (Yaki), qui trovesas en la populana quarteri Coloso e Matanza.

Anke en Hermosillo lojas ankore l'originala tribuo dil municipo, le Seri, qui nuntempe lojas en la plajala parto dil municipo, Kino Bayo, qua esas ye cent kilometri dil urbo. Nune on evaluas ke existas cirkum 900 personi.

Ek la exter-statala lojanti dil municipo trovesas kelka mili de indijeni dil etnio triqui (triki), populani originala dil stato Oaxaca, qui fondis sua propra komunaji cirkume la vilajo Miguel Aleman, la precipua zono pri agrokultivo dil municipo.


Klimato[redaktar | edit source]

La vetero di Hermosillo esas extremoza, tre varma dum la somero, kande la temperaturi atingas la 45° Celsius, e la rekordo esas 52° Celsius, olqua kelkafoye eventabas e dume la vintro esas de fresha a kolda, kun temperaturi di apene kelka gradi sur 0° Celsius, e la rekordo pri koldeso esas –5° Celsius.


Historio[redaktar | edit source]

Hermosillo fondesis ye la yaro 1700 ed ol nomizis Santísima Trinidad del Pitic, ube lojis precipue indijeni Seri, Tepoca e Baza Pima. La precipua skopo dil fondado dil vilajo esis por mantenar la habitantaro di indijeni dil antee nomata tribui e tale protektar la populizo dal Hispaniana populo. Ye la fino dil 18ma yarcento la vilajo nomizis Villa del Pitic (Vilajo dil Pitic), me lor la yaro 1828 la urbo nomizesis Ciudad de Hermosillo (Urbo di Hermosillo), honore di Generalo Jose Maria Gonzalez Hermosillo, sendependes-militisto Mexikiana qua luktis en la vicina stato Sinaloa. La Urbo di Hermosillo divenis la unesma chef-urbo dil stato e kelkafoye ol esis dum la 19ma yarcento, til ke en la yaro 1917 la statala konstituco konfirmis Hermosillo kom la definitiva chef-urbo dil stato Sonora.


Ekonomio[redaktar | edit source]

La precipua aktivesi en la urbo Hermosillo esas la industrio, agrokultivo, brutar-komerco, peskado, e komerco.

Segun la Nacionala Instituto pri Geografio, Statistiko ed Informatiko, la labor-aktiva personi ye la yaro 2000 esis 238 018.


Edukado[redaktar | edit source]

Hermosillo posedas multa institucioni dil omna niveli di edukado, sive publika, sive privata, e plura institucioni pri superiora edukado, ed ek li esas la Universitato di Sonora, olqua docas plu kam 29,000 studianti e posedas plu kam 3,000 docisti. Yen listo di superiora edukado skoli:

  • Centro pri Superiora Studii dil Stato Sonora
  • Universitato Kino
  • Universitato dil Valo di Mexikia
  • Universitato Teknologiala di Hermosillo
  • Universitato Tek-Milenio Campus Hermosillo
  • Instituto pri Teknologio ed Superiora Studii di Monterrey Campus Sonora Norte
  • Universitato di Hermosillo
  • Instituto pri Cienco e Superiora Educado di Sonora
  • Pedagoga Skolo dil Stato
  • Pedagoga Skolo Superiora di Hermosillo
  • Universitato Nacionala pri Pedagogio.