Historio di Austria

De Wikipedio
Irez ad: pilotado, serchez
Roman imperio en 117. Videz Noricum en la mapo.

La regiono di nuna Austria ja habitesis dum paleolitiko. Ol okupesis da Kelta tribui cirkum 800 aK. En 16 aK, Kelta rejio di Noricum divenis parto di Roman imperio. Kande l'imperio faliis, la regiono okupesis da Bavari, Slavi e Avari[1]. Karl la Granda okupis la regiono en 788 e stimulis kristanismo. En 1278 Rudolf 1ma di Germania, anke konocata kom Rudolf di Habsburg, okupis la regiono, e komencis Habsburg-dinastio, qua lastis til Unesma mondomilito.


Exquisite-kfind.png Videz anke: Austrian imperio.
Exquisite-kfind.png Videz anke: Austria-Hungaria.

Inter la mondomiliti (1918-1945)[redaktar | edit source]

Kun la vinkeso di Austria-Hungaria en l'unesma mondomilito, l'imperio dissolvesis e kelka regioni divenis parto di nova landi: Hungaria, Chekoslovakia e Rejio di Serbiani, Kroatiani e Sloveniani. Austria, kom lando, esis kreita de anciena regioni di l'imperio en qua la Germana linguo esis la precipua. En 12 di novembro 1918 Austria divenis republiko. Tirol e Salzburg votis por unionar kun Germania, ma Francia ed Italia impedis ica uniono, e demandis la konstrukturo di un nedependanta Austria. Le regioni di Bohemia e Moravia esis atribuita a Chekoslovakia.

Opozita a qua eventis a Germania, Austriana republiko ne esis koaktita a pagar milito-indemnesi. Lando anke recevis la mikra regiono di Burgenland de Hungaria.

De 1918 til 1920, politikala koaliso qua anke inkluzis sinistra e dextra partisi guvernis lando. Pos 1920 okuris intensa konflikti inter la du politikala grupi. En 1934 kancelero Engelbert Dollfuss mortigesis da Austriana nacionalsocialisti. Lua sucedinto, Kurt Schuschnigg, ne aceptis l'uniono (Anschluss) kun nacional-socialista Germania, ma en 12 di marto 1938 Germana trupi invadis lando. Kun German okupeso, Arthur Seyss-Inquart, simpatikero di nacionalsocialismo, divenis kancelero. En 10 di aprilo 1938, refer-voto aprobis l'uniono kum Germania, e Austria desaparis kom nedependanta lando.

En 28 di marto 1945 Usana trupi okupis Austria ed, em 27 di aprilo sam yaro, Karl Renner deklaris Austria nedependanta de la Triesma Reich e divenis chefministro.

Austria pos la duesma mondomilito (1945 til nun)[redaktar | edit source]

Zoni di okupeso en Austria (1945-1955).

La 4ma di julio 1945 la Federiti dividis Austria en 4 okupeso-zoni til la 26ma di oktobro 1955, kande Austria deklaris su neutra lando. En fino di 1945, Karl Renner divenis l'unesma Austriana prezidanto depos milito. Du partisi, ÖVP e SPÖ, divenis la maxim importanta partisi di lando, ed anke formacis koaliso.

En 1995 lando unionis ad Europana Uniono ed, en 1 di januaro 2002 ol adoptis l'Euro kom pekunio.

Referi[redaktar | edit source]

  1. Johnson, Lonnie (1989). Introducing Austria: a short history. Riverside, Calif.: Ariadne Press


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano
dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen