Historio di Belgia

De Wikipedio
Irez ad: pilotado, serchez

Romani okupis la regiono di nuna Belgia dum 1ma yarcento aK. La vorto "Belgia" originis de Gallia Belgica, Romana provinco en la regiono.

Graduala enmigro di Germana tribui dum la 5ma yarcento pozis la regiono sub Merovingiana dominacajo. Dum Mez-epoko, mikra feudala stati aparis.

Kom rezulto di Okadek-yara milito (1568 til 1648) la regiono dividesis en l'Unionita Provinci (Belgica Foederata), e la Suda Nederlandi (Belgica Regia). La regiono di nuna Belgia divenis parto de Hispanian Imperio e depos de Austriana Habsburg-Imperio.

Kom konsequo di sucedo-milito en Austria, en 1744 Francia invadis Belgia. Pos pakti signatita inter 1756 e 1757 Belgia havis 35 yari di paco[1]. Kande komencis Franca Revoluciono Belgiani esperis atingar nedependo, ma en 1794 pos Austriani esar vinkita da Franciani, Francia okupis Belgiana teritorio. Wien-kongreso en 1815 establisis Nederlandana dominacajo super Belgia[1].

Flago di Belgia.
Belgiana revoluciono, 1834.

En 1830 komencis nova revoluciono en Francia kontre absoluta monarkio. Inspirita da ta revoluciono, en agosto sam yaro komencis revolto en Bruxel kontre l'Unionita Rejio di Nederlando. Pos batalii en multa urbi, Belgia deklaris su nedependanta de Nederlando en 4 di oktobro 1830, malgre la milito kontinuis. En 21 di julio 1831 Leopold 1ma asumis kom unesma belga monarko. Nederlando nur agnoskis la nedependo di Belgia en 1839.

Imediate pos nedependo, Belgia adoptis Franciana linguo kom oficala, e Franca influo komencis[2] plufortigita da forta ekonomial aktiveso en sudo di lando. Kom respondo, aparis nacionalista idei meze la Flandriani, qui komencis demandar simila stando por Nederlandana linguo.

Anke pos nedependo, Belgia komencis stimular lua industrio ed expansar lua fervoyi. En 1885 Berlin-konfero donis kontrolo di Belgiana Kongo a rejulo Leopold 2ma. En 1914 dum Unesma mondomilito Germanian imperio invadis Belgia, por lua strategiala situeso, inter Berlin e Paris[3]. Lando divenis nove okupita da Germaniani en 1940, dum Duesma mondomilito, e liberigita en 1944. Pos la milito, generala striko en 1951 forcis rejulo Léopold 3ma, konsiderita da populo kom simpatik a nacionalsocialisti ad abdikar.

Belgia esis un di la sis fondanti dil Europana Karbono- e Stalo-Komuneso en 1951, e di Europana Komuneso Ekonomiala en 1957. En 1970 lando divenis federuro, quankam la tensioni inter Flandriani (parolanti di Nederlandana) e Waloniani (parolanta di Franca) kontinuar til nun.

Referi[redaktar | edit source]

  1. 1.0 1.1 Almanaque Lisa Mundial 93] pag. 496-497, yaro 1993, Brazilia
  2. Rondo E. Cameron, France and the economic development of Europe, 1800-1914 (2000) p. 343
  3. Encyclopaedia Britannica, 1958, Tomo 3ma p.365.


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano
dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen