Historio di Equador

De Wikipedio
Irez ad: pilotado, serchez
Ruini de Inkao-epoko en Ingapirca.

Equador esis parto di Inkao Imperio. Ol okupesis da Hispaniani depos 1531, kande Francisco Pizarro kaptis Atahualpa e konquestis tota imperio. Dum kolonial epoko Equador esis parto di Vice Rejio di Lima e pos de Vice Rejio di Nueva Granada.

Ye la 9ma di oktobro 1820 Guayaquil divenis l'unesma urbo ke ganis nedependo de Hispania. Lando divenis totale nedependanta en 24 di mayo 1822 kande Antonio José de Sucre vinkis Hispaniani en Pichincha batalio. Pos la batalio, Equador unionis su kun Granda Kolumbia, lando kreita da Simón Bolívar, ma en 1830 ol divenis nedependanta republiko.

Unesma prezidanto di lando esis Juan José Flores, naskinta en Venezuela. Pos periodo di nestabileso kun militarala diktatoresi, Gabriel García Moreno unionis lando dum la 1860a yari, kun la suporto di katolik eklezio.

En 1941 komencis konflikto kun Peru pri la frontiero en la regiono di Amazonia. Nur en 13 di mayo 1999 la frontiero inter la du landi finale establisesis. De 1972 til 1979 militisti guvernis lando. En la 29ma di aprilo 1979 sub nova konstituco okuris prezidantala elekti. Jaime Roldós Aguilera ganis kun plu kam 1 milion voti.