Historio di Federata Stati di Mikronezia

De Wikipedio
Irez ad: pilotado, serchez
Granda petro uzita kom pekunio en Yap.

L'unesma homi arivis en Mikronezia cirkume 4000 aK. L'insulo di Yap divenas centro di mikra imperio, qua uzis granda cirkli di petro kom pekunio. En l'insulo di Pohnpei on existas Nan Madol, urbo en ruini formata da artificala insuli, qua esis chefurbo di Saudeleur dinastio, posible uzita por ceremonii til cirkum 1500.

Europani - unesme Portugalani e pos Hispaniani - arivis en Karolina insuli en la 15ma yarcento, e Hispaniani establisis lia suvereneso. L'insuli divenis Germaniana kolonio en 1899 kande Hispania vendis ol. Japoniana konquestis la teritorio en 1914 dum Unesma mondomilito. Dum la duesma mondomilito Japonia instalis importanta militarala bazo en Truk insulo, ma ye februaro 1944 granda atako di Usa destruktis Japoniana militarala povo en l'insulo.

Pos la milito l'insuli divenis en 1947 teritorio de Unionita Nacioni administrita da Usa. Lando divenis nedependanta en 3 di novembro 1986 de mandato di Unionita Nacioni kun la nomo di Federata Stati di Mikronezia.


Historio di Oceania
Australia | Fidji | Est-Timor | Kiribati | Marshall Insuli | Federata Stati di Mikronezia | Nova-Zelando | Palau | Papua-Nova-Guinea | Samoa | Salomon Insuli | Tonga | Tuvalu | Vanuatu