Historio di Guinea

De Wikipedio
Irez ad: pilotado, serchez
Mali imperio (1230 til 1600) e nuna frontieri.

La nordo di nuna Guinea esis parto di Mali imperio, qua existis depos 1230a yari, e pos di Songhai imperio, qua expansis su pos 1460 ed existis til 1591. Portugalani esis l'unesma Europani qua arivis en la regiono. Li komencis la komerco di sklavi dum la 16ma yarcento.

Teokratio di Futa Jallon.

De 1725 til 1896 existis la teokratiala stato di Futa Jallon (en Franca konocita kom Fouta Djallon) bazata en islama lego e kun sideyo en Timbo, urbeto proxim nuna Mamou, en Guinea. Ta stato kompozesis da 9 provinci kun kelka autonomio. Ta stato explotachis la profitoza komerco di sklavi kun Portugalani e Franciani. En 1865 Futa Jallon invadis vicina imperio di Kaabu, en nuna Senegal e Gambia, e konquestis ol komplete en 1867.

Francia komencis okupar la regiono en la duesma duimo de la 19ma yarcento, ma pos 1882 sufris la rezisto di Samory Touré, lokala militarala chefo ke, kun 30 o 35 mil soldati e Britaniana pafili, konfrontis Franc armeo en kelka batalii. En 1898 Francia finale vinkis Touré e transformis Guinea en kolonio.

Flago di Guinea.

Guinea divenis nedependanta de Francia ye la 2ma di oktobro 1958. Ahmed Sékou Touré esis lua unesma prezidanto. Il guvernis til lia morto, ye la 26ma di marto 1984. Chefministro Louis Lansana Beavogui asumis provizore e mustis kunvokar elekti 45 dii pos, ma ye la 3ma di aprilo generalo Lansana Conté donis stato-stroko e asumis povo til lia morto, ye la 22ma di decembro 2008.


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando