Historio di Guinea Bisau

De Wikipedio
Irez ad: pilotado, serchez

Guinea Bisau esis parto de Gabu Rejio e de Mali Imperio. Portugalani arivis en la regiono en 1446. Kun la kunlaboro di lokala tribui, ol komencis komercar sklavi. Bissau fondesis en 1687 kom fortifikita portuo e komercala centro. Dum 19ma yarcento Portugalani okupis dop-lando di teritorio. La disputo kontre Britaniani pri la kontrolo di Bolama insulo solvesis favorebla a Portugal da Usana prezidanto Ulysses S. Grant.

Flago di Guinea Bisau.
Amílcar Cabral, heroo di nedependo-proceso en Guinea Bisau.

En 1956 L'Afrikala partiso por la nedependo di Guinea Bisau e Kabo Verda - PAIGC - fondesis da Amílcar Cabral. Cabral movis la sideyo dil partiso vers Conakry, en Guinea, e komencis armizita ataki kontre Portugalani en 1961. Quankam Portugal augmentis la nombro di soldati a plu kam 35,000, PAIGC konstante expansis lua influo ed, en 1968 ol kontrolis granda parto di la teritorio.

Amílcar Cabral asasinesis en 1973 ed Aristides Pereira, pose prezidanto di Kabo Verda, divenis la chefo dil partiso. Guinea Bisau deklaris lua nedependo de Portugal en 24 di septembro 1973. Luís Cabral divenis lua unesma prezidanto e guvernis de 1973 til 14 di novembro 1980 kande il esis renversita da stato-stroko komandita da João Bernardo "Nino" Vieira. Vieira guvernis til 1984 e lando kontrolesis da militarala konsilantaro.

Tanko abandonita dum l'interna milito inter 1998 e 1999.

L'unesma libera prezidantala elekto okuris en 1994, vinkita da João Bernardo Vieira, ma militarala revolto renversis la prezidanto en 1998 e konduktis lando ad interna milito. Nova elekto okuris en 2000, vinkita da Kumba Ialá. Nova militarala revolto renversis Ialá en 2003.

Ye 2005 nove okuris prezidantala elekto, vinkita da João Bernardo Vieira. Vieira guvernis til 2 di marto 2009 kande il esis asasinita da militisti. Raimundo Pereira asumis kom provizora prezidanto til la rezulto di nova prezidantala elekto, qua okuris en 28 di junio 2009, vinkita da Malam Bacai Sanhá. La sequanta yaro, en 1 di aprilo okuris armeala revolto, e chefministro Carlos Gomes Junior enkarcerigesis en lia domo.


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando