Historio di Irak

De Wikipedio
Irez ad: pilotado, serchez
Kranio di Neanderthal trovita en Shanidar kaverno.

Irak ja habitesis da Neanderthali de 60,000 til 80,000 yari ante nun. Inter 1957 e 1961 explorero Ralph Solecki trovis skeleti de ta epoko en Shanidar kaverno.

Irak jacas en la regiono di Mezopotamia, ube existis la Sumeriana, Akadiana ed Asiriana kulturi, ed anke la regno di Babilono. La maxim anciena sistemo di skribo, de 4ma yarmilo aK, trovesis en la regiono apud Tigris ed Eufrati.

Cirkum 18ma yarcento aK, Babilono divenis importanta rejio en la regiono. Persiani, komandita da Cyrus, okupis la regiono en 6ma yarcento aK. De Siria, Romani okupis la regiono en diversa okazioni.

Dum 7ma yarcento la regiono divenis islamana kalifio. En la 8ma yarcento, Bagdad divenis lua chef-urbo. Mongoli siejis e destruktis Bagdad en la 13ma yarcento.

Otomani okupis Irak en 1535. Pos Unesma mondomilito granda parto di regiono divenis okupita da Britani. Irak divenis nedependanta stato en 1932 kom monarkio.

Monarkio en Irak lastis til 1958, kande stato-stroko proklamis la republiko. Generalo Abdul Karim Qassim asumis povo e establisis dipomacala relati kun Sovietia. Ye 1979 Saddam Hussein asumis povo kom prezidanto. Ilu militis kontre Iran de 1980 til 1988 ed en 1991 kontre Kuwait.

Saddam renversesis de povo en 2003 ed esis kondamnita a morto per jibeto. Ilu exekutesis en 30 di decembro 2006.