Historio di Ivora Rivo

De Wikipedio
Irez ad: pilotado, serchez
Prehistoriala petr-objekto trovita en la nordo di Ivora Rivo.

Homi ja habitis la regiono di nuna Ivora Rivo dum fino di Paleolitiko o komenco di Neolitiko. Berbera populi ja vivis en la regiono dum Roman-epoko, e komercala karavani krucumis Sahara por interkambiar oro, salo, sklavi ed altra vari. Timbuktu, Gao e Djenné, en nuna Mali, divenis la precipua urbi por trans-Sahara komerco. Islamo arivis en la regiono tra la komercala itinerarii, e pos la 11ma yarcento ol atingis la nordo di nuna Ivora Rivo.

Unesma Europani qua arivis en la regiono esis Portugalani, en 1460. Li donis la nomo Costa do Marfim a la regiono, qua signifikas "Rivo di Ivoro" o "Ivora Rivo".

Francia establisis komercala monopolo kun lokala chefi dum 1840a yari. Franciana stimulis agrokultivo e komerco de kafeo, kakao, banano e la produktado di oleo di palmieri. Ol divenis Franciana kolonio en 1893. Ante, pakti kun Liberia en 1892 e kun Unionita Rejio en 1893 establisis la borderi di la kolonio.

Lokala habitanti ne aceptis Franca dominacajo pacale. Samori Ture, fondanto di Wassoulou imperio kombatis kontre Franciani de 1882 til esar kaptita, en 1898. En 1900 okuris revolto kontre imposti kreita por mantenar Franca kolonio. En 1905 Francia abolisis sklaveso en la regiono.

Dum l'unesma mondomilito Ivorana soldati kombatis en Francia kontre Germani. Cirkum 150,000 viri mortis en la milito. Dum la duesma mondomilito Vichy Francia kontrolis la regiono til 1942 kande Britaniani invadis la kolonio e transferis povo a Franca provizora guverno, administrita da Charles de Gaulle.

Flago di Ivora Rivo.

Ivora Rivo divenis nedependanta de Francia ye la 7ma di agosto 1960. Félix Houphouët-Boigny esis lua unesma prezidanto.

En 2002 komencis interna milito en lando.


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando