Historio di Kenia

De Wikipedio
Irez ad: pilotado, serchez

Fosili trovita en Est-Afrika sugestas ke primati ja vivis en nuna Kenia cirkum 20 milion yari ante nun. Fosili di Homo habilis (2.5 til 1.8 milion yari ante nun) e Homo erectus (1.8 milioni til 350 mil yari ante nun) trovesis en la regiono di Lago Turkana. En 1984 Richard Leakey trovis skeleto di Homo erectus puero evante 1.6 milioni en ta regiono.

Bantua expanso tra Afrika.

Bantua populi expansis tra la regiono dum l'unesma yarmilo pos Kristo. Araba komercisti komencis frequentar la litoro di la regiono dum l'1ma yarcento. Arabi e Persi establisis urbeti en la litoro dum 8ma yarcento. La habitanti di la majoritato dil urbeti ja praktikis islama religio dum ta epoko.

Portugalani esis l'unesma Europani qua arivis en la teritorio di nuna Kenia, kande Vasco da Gama vizitis Mombasa en 1498. Portugalani establisis su en la regiono pos 1505 kun skopo di protektar lia komerco en Indiana oceano.

Ye 25 di agosto 1848 Germana misionero Johann Ludwig Krapf establisis l'unesma kristana misiono en la regiono. Il tradukis la Biblo a swahili. Pos 1850 europani komencis trasar mapi di l'internajo[1]. Tre developi augmentis l'interesi di europani en la regiono: l'unesma esis la kresko di Zanzibar, insulo e portuo fore la rivo di Afrika[2]; la duesma esis la kresko di demando por Afrikana produkti, kom ivoro. Finale, la konkurso inter Germanian imperio ed Unionita Rejio por teritorii en Afrika. En 1885 Germanian imperio establisis protektorato en la regiono, ma donis lua kolonii a Unionita Rejio en 1890.

Flago di Kenia.

De 1952 til 1956 okuris armizita sedicio konocita kom Mau Mau revolto, kontre la koloniala guverno. Britaniani mortigis cirkum 12,000 Mau Mau, ma la respondo esis plusa violento. Jomo Kenyatta negis esar chefo di Mau Mau, ma esis enkarcerigita en 1953 e nur liberigita en 1961.

Kenia divenis nedependanta de Unionita Rejio ye la 12ma di decembro 1963. Jomo Kenyatta esis l'unesma prezidanto, e guvernis til lia morto en 1978.

Referi[redaktar | edit source]

  1. Robin Hallett, Africa to 1875, p. 229
  2. Robin Hallett, Africa Since 1875: A Modern History, p. 560


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando