Historio di Malawi

De Wikipedio
Irez ad: pilotado, serchez
La rejio di Maravi en sua maxima extenso.

L'unesma habitanti dil teritorio di nuna Malawi esis khoisan populi. Pos 1600 granda parto di la regiono jacis unionita sub unika rejio, la rejio di Maravi, establisita da Chewa populo de bantua raso. Balde komencis la kontakti kun Portugalani, ma cirkum 1700 la teritorio divenis nove dividita en kelka mikra rejii. Chewa komerciis ivoro, fero e sklavi kun Portugalani ed Arabi, e kompris maizo de Portugalani.

David Livingstone atingis Nyasa lago en 1859[1]. En 1891 Malawi divenis protektorato de Unionita Rejio. Depos 1907 Malawi esis Britaniana kolonio kun nomo Nyasalando.

En 1944, l'Afrikana Kongreso di Nyasalando (NAC) formesis por defendar l'interesi di lokala Afrikani apud Britaniana guvernerio[2]. En 1953 Malawi unionesis a norda e suda Rhodezia (nune Zimbabwe e Zambia) precipue por politikala motivi[2], ma NAC rejektis l'uniono. Un forta opozero di l'uniono esis Hastings Kamuzu Banda, mediko qua verkis en Ghana qua retroiris a Nyasalando en 1958. Britaniani enkarcerigis il en 1959, ma liberigis ilu la sequanta yaro.

Flago di Malawi.

Malawi divenis nedependanta de Unionita Rejio ye la 6ma di julio 1964 kun Hastings Kamuzu Banda kom unesma prezidanto. En 1966 Banda supresis politikala partisi, ed en 1970 il deklaris su prezidanto por vivo e guvernis dum preske 30 yari sen opozantaro. En 1993 Banda aceptis referendo ube populo votis por poli-partisala demokratio. En 1994 okuris unesma demokratiala elekti kun multa partisi, e Bakili Muluzi elektitesis prezidanto. Muluzi guvernis til 2004, kande Bingu wa Mutharika elektitesis prezidanto. Nova elekto kun multa partisi okuris en 2009 e Mutharika rielektesis, quankam lia opozanti denoncis fraudi en elektala proceso[3].

Referi[redaktar | edit source]

  1. Turner, John The Statesman's Yearbook 2009: The Politics, Cultures and Economies of the World, MacMillan Publishers, p.821
  2. 2.0 2.1 Murphy, Philip (2005). Central Africa: Closer Association 1945-1958. London, UK: The Stationary Office
  3. [http://news.bbc.co.uk/2/hi/africa/8062740.stm "Malawi President wins re-election" - BBC.co.uk


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando