Historio di Miami, Florida
L'areo en qua l'urbo di Miami, Florida pose fondesis unesme habitesis dum plu kam mil yari da la Tequesta indijeni. Pedro Menéndez de Avilés e lua viri unesme vizitis e trovis l'areo proxim a Miami por Hispania ye 1566. Hispaniana misiono establesis un yaro pose. Fort Dallas konstruktesis dum la meza 1800a yari e pose esis la loko di batalii dum Duesma Seminole Milito.
L'areo di Miami esis plu bone savita kom "Biscayne Bay Komtio" dum la maxim frua yari di sua kresko. La publikigita raporti pri ta tempo deskriptis l'areo kom vilda loko qua havis multa potenco. [1] The area was also characterized as “one of the finest building sites in Florida.”[2] Tamen, la Great Freeze (la Granda Frostigo) di 1894 chanjis omno, e la plantacaji en Miami esis l'unika qui transiris. Julia Tuttle, oranjo-plantacesto, konvinkis Henry Flager, prezidisto di multa fervoyala societii, ke lu grandeskez "Florida esta rivo fervoyo a Miami". Ye 28 di julio 1896, Miami oficale divenis urbo kun populo di nur 300.
Miami prosperis dum 1920a yari ma febleskis dum uragano di 1926 e pose dum 1930a yari dum la Granda Depreso. Kande Duesma mondo-milito komencis, Miami en sua bona loko en la suda rivo di Florida, havis importanta rolo en la batalio kontre Germaniana submerso-navi. La milito pluse grandigis la populo di Miami a preske 500,000. Pos la komenco di la guvernerio di Fidel Castro ye 1959 multa Kubani enmigris a Miami, plugrandigante la populo. Dum 1980a e 1990a yari kelka altra krizi okazis en suda Florida, inkluzante la batado di Arthur McDuffie e la tumulto qua sequis, militi di drogi, Uragano Andrew e la kontroverso pri Elián González, ma Miami transiris ta problemi e nun esas majora financala e kulturala centro.
Indexo |
[redaktar] Frua habitado
La maxim frua evidentajo di indijena habitado en la regiono di Miami esis 10,000 yari ante nun. [3] La unesma habitanti lojeskis en la rivi di la Miami Rivero. La precipua vilaji esis en la norda parto di la rivero. La frua indijeni kreis varioza armi ed utensili per skalii. [4]
La habitanti di Miami qui l'unesma Europani vizitis esis la Tequesta, qui havis sua areo kovrante multa de sudesta Florida, inkluzante la nuna loki di Miami-Dade Komtio, Broward Komtio, e la suda parti di Palm Beach Komtio. La Tequesta indijeni peskis, kaptis e kolektis por sua manjajo, ma havis nula agrikulturo.
[redaktar] Frua Hispaniana habitado
Ye 1513, Juan Ponce de Leon esis l'unesma Europano qua vidis l'areo di Miami per enirar Biscayne Bayo. Lu skribis en sua jurnalo ke lu arivis a "Chequescha", qua esis l'unesma nomo skribita pri Miami. [5] Esas ne-savata ka lu venis a la rivo e vidis l'indijeni o ne. Pedro Menéndez de Avilés e sua viri igis l'unesma arivo kande li vizitis la Tequesta habiteyo ye 1566 trovante la perdita filiulo di Avilés, qua perdis sua navo un yaro antee. [6] Hispaniana soldati duktita da Patro Francisco Villiareal konstruktis Jezuita misiono ye la boko di la Miami Rivero un yaro pose ma olu ne existis longatempe. Ye 1570 la Jezuiti decidis trovar plu bonvenanta personi exter Florida. Pos la Hispaniani ekiris ad altra loko la Tequesta indijeni sole mustis kombatar kontre morbi kom variolo, introduktesis da la Europani. Militi kun altra tribui multe febleskis sua populo, ed en batalii li facile vinkesis da la Creek Indijeni. Ye 1711 la Tequesti sendis kelka chefi a Havana, Cuba por questionar ka li darfas ekmigrar ibe. La Kubani sendis du navi por helpar li, ma la morbi de Hispania venis e preske omna indijeni mortis. [7] La Hispaniani sendis altra misiono a Biscayne Bayo ye 1743, ube li konstruktis fuorto e kirko. La sacerdoti di la misiono propozis permananta habiteyo en qua l'enmigranti de Hispania facus manjajo por la soldati ed indijeni di Amerika. Tamen, ta propozo ne aceptesis kun la motivo ke ol esas tro komplikata, e la misiono finis ante la fino di ta yaro. [8]
[redaktar] 20ma yarcento
Miami kreskis rapide til duesma mondo-milito: ye 1900 ol havis 1,681 lojanti; ye 1910 ol havis 5,471 lojanti; ed ye 1920 29,549 lojanti. Kun la movado di mili di personi vers la regiono la neceseso di landi por konstruktar divenis videbla. Til ta epoko, la regiono di Everglades jacis nur 5 km de la Bayo di Biscayne. Ye 1906 on komencis konstruktar kanali por drenar ta regiono. La nukleo di Miami Beach aparis ye 1913 ed ye 26 di marto 1915 ol divenis urbo. Dum komenco di 1920a yari l'autoritati di Florida laxigis alkoholajala interdikto, tale multa personi de altra Usana stati enmigris vers la regiono.
[redaktar] Noti e referi
- ↑ "The Day in St. Augustine — The Hack Line to Biscayne Bay". Florida Times-Union (Jacksonville, Fla.), January 10, 1893.
- ↑ Historical Museum of Southern Florida retrieved January 22, 2006.
- ↑ Parks, Arva Moore. Miami: The Magic City. Miami, Fl: Centennial Press, 1991. ISBN 0-9629402-2-4 p 12.
- ↑ Wilkinson, Jerry. "Prehistoric Indians." Retrieved January 29, 2006.
- ↑ Parks, p 13
- ↑ Parks, p 14
- ↑ Parks, p 14-16
- ↑ Sturtevant, William C. (1978) The Last of the South Florida Aborigines, in Jerald Milanich and Samuel Proctor, Eds., Tachagale: Essays on the Indians of Florida and Southeastern Georgia during the Historic Period. Gainesville, Florida, The University Presses of Florida.
[redaktar] Extera ligili
 |
Ica pagino uzas kontenajo en l'Angla Wikipedio. On povas trovar l'originala artiklo ye en:History_of_Miami,_Florida; ol uzesas segun la GFDL-reguli. |
