Historio di Moldova

De Wikipedio
Irez ad: pilotado, serchez

Neolitika objekti de Cucuteni-kulturo trovesis en la regiono di nuna Moldova. La kulturo di Cucuteni existis de cirkum 5.500 aK til 2750 aK, e praktikis agrokultivo, edukado di animali, chaso ed elaboris ceramikajo[1]. La kulturo di Cucuteni anke havis granda urbi, kun plu kam 15.000 habitanti.

De 1ma til 7ma yarcento la sudo di la regiono okupesis unesme da Romani e pos da Bizancani. Por lua strategiala loko en Europa, diversa populi invadis la regiono, kom Goti, Huni, Avari, Bulgari, Hungari, Mongoli e Tatari.

Stefan la Granda, princo di Moldova.

La princio di Moldavia establisesis en 1346 e lastis til 1859, kande la regiono unionesis a nuna Rumania. Ante la fino di l'Unesma mondomilito, en 1917 la regiono deklaris su nedependanta sub la nomo Demokratiala Republiko di Moldavia, qua lastis til 1918. Besarabia deklaris su nedependanta de Rusian imperio ed unionis su kun Rumania. En exilo, formesis la guvernerio di la Socialista Sovieta Republiko di Besarabia.

En agosto 1939 Ribbentrop-Molotov pakto agnoskis Besarabia kom sub Sovietan influo. En 1940, dum Duesma mondomilito, Sovietia demandis ke Rumania cedis la teritorii di Besarabia e la nordo di Bukovina, konocata kom Transdniestria. Rumania aceptis, e la Socialista Sovieta Republiko di Moldova formesis.

En 1941 kom parto dil invado di Sovietia da nacional-socialista Germania, Rumania invadis la regioni di Berarabia, Bukovina e Transdniestria. Rumania, en kunlaboro kun nacionalsocialisti, deportis od exterminis cirkum 300,000 judi. Sovietiani riokupis la regiono inter februaro ed agosto 1994, e riestablisis SSR Moldova.

Flago di Moldova

Dum guvernerio di Yosif Stalin lokala habitanti sufris kun deporti e famino. Pos duesma mondomilito, granda nombro di Rusi, Ukraini e Bielorusi enmigris vers la regiono. Dum 1980a yari kreskis la demando por nedependo. Finale, pos la falio di stato-stroko en Sovietia kontre la reformi di perestroika e glasnost, Moldova deklaris lua nedependo, en 27 di agosto 1991.

Referi[redaktar | edit source]

  1. "Phase and chemical composition analysis of pigments used in Cucuteni Neolithic painted ceramics", Bogdan Constantinescu e Roxana Bugoi


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano
dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen