Historio di Nauru

De Wikipedio

Unesma habitanti di Nauru esis Polineziani e Mikroneziani, qui arivis en l'insulo cirkum 3,000 yari ante nun. Existis 12 klani o tribui en Nauru. La 12 steli en la flago di Nauru reprezentas ta 12 klani.

Nauruana militero, 1880.

L'insulo deskovresis en 1798 da Britaniana kapitano John Fearn. En 1888 ol enkorpigesis da Germanian imperio. En 1914 Australiana trupi kaptis ol, dum l'unesma mondomilito. En 1919 Britaniani, Australiani e Nova-Zelandani signatis pakto e kreis la “British Phosphate Commission” qua administri l'extraktado di fosfato en Nauru, Christmas insulo e Banaba.

Usan aviono flugas super Nauru dum la duesma mondomilito.

La 25ma di agosto 1942 dum la duesma mondomilito Japoniani okupis l'insulo. Japoniani konstruktis aerodromo en l'insulo e deportis 1,200 Nauruani por verkar en Chuuk-insulo. L'insulo fine liberigesis la 13ma di septembro 1945, kande Japoniana komandero Hisayaki Soeda kapitulacis. De la Nauruani deportita nur 737 tranvivis, e retroiris a l'insulo en 1946.

Nauru divenis nedependanta la 31ma di januaro 1968, e Hammer DeRoburt esis lua unesma prezidanto.


Historio di Oceania
Australia | Fidji | Estal Timor | Federita Stati Mikronezia | Insuli Marshall | Insuli Salomon | Kiribati | Nova-Zelando | Palau | Papua-Nova-Guinea | Samoa | Tonga | Tuvalu | Vanuatu