Historio di Norvegia

De Wikipedio
Irez ad: pilotado, serchez
Imaji de Bronz-epoko trovita en Steinkjer, centrala Norvegia.

Arkeologiala deskovraji indikis ke populi ja vivis en la regiono di nuna Norvegia depos 10,000 yari a.K. Multa historiisti opinionas ke Skandinaviana populi originis de nuna Germania.[1] Til komenco di 9ma yarcento multa mikra rejii existis en nuna Norvegia. Harald Hårfagre unionis ol e divenis rejulo di Norvegia en 872.

Vikinga helmo trovita en Gjermundbu.

Dum Vikingi epoko (8ma til 11ma yarcento) okuris expanseso ed enmigrado di populo. Vikingi koloniigis Islando, Faero, Grenlando e parti di Britania, Irlando e Francia. Nuna Limerick, Dublin e Waterford, en Irlando, fondesis da Norvegiana Vikingi.[2]

Dum 14ma e 15ma yarcenti, Dania, Suedia e Norvegia monarkii unionis e formacis Kalmar-Uniono. Suedia abandonis l'uniono en 1523, ma Norvegia sejornis til 1814.

Norvegia divenis nedependanta de Dania en 17 di mayo 1814 e nominis Daniana princo Christian Fredrik kom rejulo. Ica fakto esis motivo de Suediana-Norvegiana milito. Norvegia ne povis ganar milito, ed aceptis uniono kun Suedia.

Norvegiana piloti en Anglia dum duesma mondomilito.

Norvegia divenis nedependanta de Suedia en 7 di junio 1905. Dum Unesma mondomilito lando restis neutrala, ma en 1940 nacional-socialista Germania invadis ol dum Duesma mondomilito. Vidkun Quisling instalis guvernerio kunlaboranta kun Germaniani, ma parto di la populo ne aceptis l'okupeso, e developis rezisto ed aktivesi di saboto kontre Germaniani. En 1945 Germaniani vinkesis, e Vidkun Quisling arestesis en 9 di mayo 1945 ed exekutita en 24 di oktobro sam yaro.

Einar Gerhardsen divenis l'unesma chefministro di lando pos la milito, e guvernis de 25 di junio 1945 til 9 di novembro 1951. Il adoptis Keynesana teorii por rikonstruktar l'ekonomio.

En 1969 petrolo deskovresis en Norvegiana litoro. En 1973 lando fondis su propra petrolo-kompanio, Statoil.

En du referendi - 1972 e 1994 - Norvegiana populo manifestis deziro pri ne partoprenar en Europana Uniono, quankam lando partoprenas en komuna merkato ed en Schengen konkordo kun EU. En 1981 lando elektis lua unesma chefministrino: Gro Harlem Brundtland.

Referi[redaktar | edit source]

  1. http://hpgl.stanford.edu/publications/EJHG_2002_v10_521-529.pdf
  2. RF Foster: "The Oxford History of Ireland", Oxford University Press, 1989

Bibliografio[redaktar | edit source]

  • Arup Seip, J. 1963. Fra embedsmannsstat til ettpartistat og andre essays. Universitetsforlaget, Oslo.
  • Bergsgård, Arne . 1943. Året 1814. Aschehoug, Oslo.
  • Christensen, Christian. 1961. Vårt folks historie, vol. VIII. Fra verdenskrig til verdenskrig. Aschehoug, Oslo.
  • Danielsen, Rolf; Ståle Dyrvik, Tore Grønlie, Knut Helle, y Edgar Hovland. 1995. Norway: A History from the Vikings to Our Own Times Scandinavian University Press ISBN 9788200218036
  • Dyrvik, Ståle. 2005. Året 1814. Samlaget, Oslo
  • Gunnes, Erik. 1976. Rikssamling og kristning en: Norges historie 2: ca.800 - 1177 – J. W. Cappelen, Oslo.
  • Hansen, Guttorm. Norges Grunnlov i 175 år. Gyldendal 1989
  • Moseng, Ole Georg; Erik Opsahl, Gunnar I. Pettersen y Erling Sandmo. 1999 Norsk historie I. 750-1537. Aschehoug, Oslo. ISBN 978-82-518-3739-2.
  • Mykland, Knut. 1976. Norge under sverreætten en: Norges historie 3: 1177 - 1319, J. W. Cappelens forlag, Oslo.
  • Keilhau, Wilhelm. 1927. Norge og verdenskrigen. Aschehoug, Oslo.
  • Krag, Claus. 1995. Vikingtid og rikssamling 800-1130 (Norgeshistorien bd.2) – Aschehoug, Oslo.
  • Nielsen, Yngvar. 1906. Norge i 1905. C. Andersens Forlag
  • Sturluson, Snorri. 1991 (reimpr.) Heimskringla : History of the Kings of Norway. Traducción al inglés de Lee M. Hollander (repr. 1991). University of Texas Press. ISBN 0-292-73061-6
  • Tamelander, Michael y Zetterling, Niklas. 2004. Den nionde April: Nazitysklands invasion av Norge 1940. Historiska Media. ISBN 91-85057-95-9
  • Þórðarson, Sturla. 1964 The Saga of Hakon and a Fragment of the Saga of Magnus with Appendices. Traducción al inglés de G.W. Dasent (1894, reimpr. 1964). Rerum Britannicarum Medii Ævi Scriptores, vol.88.4, Londres.
  • Vogt, Per. 1938. Jerntid og jobbetid. En skildring av Norge under verdenskrigen. Johan Grundt Tanum (ed.), Oslo.


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano
dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen