Historio di Republiko Macedonia

De Wikipedio
Irez ad: pilotado, serchez
Anciena tribui en la regiono.

En Antiqueso granda parto di la teritorio di nuna Republiko Macedonia esis parto di la rejio di Peonia, populo qua originis de Trakia[1], ma anke de Iliria e Dardania. En 336 aK Filip 2ma konquestis Supra Macedonia, inkluze la regiono di nuna Republiko Macedonia[2]. Lia filiulo, Alexandros la Magna konquestis la restajo di la regiono.

La Mediteraneo en 168 aK pos la batalio di Pydna

Ye la 22ma di junio 168 aK eventis la batalio di Pydna, en nuna Grekia, inter Roma e Macedonia; Roma vinkis, quo signifikis la finala destrukto di la antea imperio di Alexandros la Magna.

Kelka yari ante, Romani sucesoze atakis Macedonia, di qua la regnanto tatempe esis Filippos 5ma; pos la batalio di Cynoscephalae en 197 aK Philippos perdis sua teritorii, ecepte Macedonia ipsa. La Seleucid imperio, pose invadanta ca regiono de la esto, esis repulsata da Roma, qua tale extensis sua imperio vers la esto. Perseus, filiulo di Philippos 5ma, esforcis rivivigar la potenteso di Macedonia, quo finis ye la batalio di Pydna.

Romana komandanto Lucius Aemilius Paullus, vinkoza ye la batalio, enkarcerigis Perseus, ed imperis la ocido di kina-cent eminenta Macedoniani qui esis opozema a Roma.

Dum mez-epoko la regiono subisis influi de Bizancana Imperio e de slavi. Dum 10ma yarcento la regiono divenis la centro di l'Unesma Bulgarian imperio, sub la guvernerio di caro Samuil 1ma. Nova chef-urbo establisesis en Ohrid.

Dum l'unesma duimo di 15ma yarcento Otomani konquestis la regiono, qua divenis parto di Otoman imperio dum preske 500 yari. Dum Otomana dominaco, la regiono recevis expresoza minoritato di Turki en lua populo. Dum Otomana guvernerio, Skopje e Monastir (nune Bitola) divenis chef-urbi di separita regioni.

Serbia kaptis la regiono dum l'unesma Balkana milito en 1912. Dum Serbian administrado, la regiono ne havis autonomio. Pos l'unesma mondomilito Serbia divenis parto di Rejio di Serbiani, Kroatiani e Sloveniani. En 1929 la regio esis rinomizita Rejio di Yugoslavia.

Arkivo:Liberation of Skopje.jpg
La habitanti di Skopje salutas Metodija Andonov-Čento, pos lia trupi liberigar la regiono en 1944.

Dum la duesma mondomilito trupi de l'Axo okupis la regiono, qua dividesis inter Bulgaria ed Italian okupita Albania. Bulgarian autoritati, sub Germana preso, deportis plu kam 7,000 judi de Skopje e Bitola. Macedona komunisti organizis partizana movado ed ekpulsis Germaniana trupi de la regiono til la fino di 1944. En la fino di ta yaro, la Anti-Fashist Asemblajo por la Nacionala Liberigo di Macedonia proklamis la Populala Republiko di Macedonia, un di la sis republiki di Yugoslavia.

Pos referendo, Republiko Macedonia divenis nedependanta de Yugoslavia en 8 di septembro 1991. Lando ne sufris kun interna milito pos nedependo, kontraste kun altra ex-Yugoslaviana republiki.

Inter februaro e agosto 2001 okuris revolto di Albani en la nordo ed en la westo di lando. La milito finis pos l'interveno di NATO. Segun Ohrid-pakto, Albani mustus abandonar l'ideo di nedependo por la regiono e la guverno mustus augmentar politikala povo di Albana minoritato.

Referi[redaktar | edit source]

  1. Bauer, Susan Wise: The History of the Ancient World: From the Earliest Accounts to the Fall of Rome (2007), ISBN 0-393-05974-X, page 518: "... Italy); to the north, Thracian tribes known collectively as the Paeonians."
  2. [http://books.google.com/books?id=ppbuavUZKEwC&pg=PA187&dq=dardania+today+republic+of+macedonia&lr=&hl=bg#PPA14,M1 Who are the Macedonians? C. Hurst & Co. Publishers, 2000, ISBN 1-85065-534-0, p. 14


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano
dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen