Historio di Santa Kitts e Nevis

De Wikipedio
Indijeni Kalinago (Karibi).

Cirkume 500 yari ante l'arivo di Europani en Santa Kitts e Nevis, indijeni habitis l'insuli. L'indijeni Kalinango, la lasta populo qua establisis su en l'insuli, arivis ibe 300 yari ante l'Europani. L'arkipelago deskovresis da Cristoforo Colombo en 1493 e probable nomesis da lu segun lua patron-santo.

Fadrique de Toledo kaptas Santa Kitts por Hispania.

En 1538 Franca hugenoti establisis su en Santa Kitts, ma la Hispani destruktis la kolonio e deportis la transvivinti. En 1623 l'Angli establisis kolonio en l'insulo e pose la Franci. Angli e Franci unionis por konfrontar le Kalinago e facis gentocido kontre li en 1626. Tri yari pose, en 1629, Hispani komandita da Fadrique de Toledo invadis Santa Kitts ed ekpulsis l'Angli.

L'insulo Nevis koloniigesis dal Angli en 1628. De ibe, ol komencis koloniigar altra insuli, exemple Antigua, Montserrat, Anguila e Tortola. Britaniani okupis omna teritorio en 1814, e formacis kolonio nomizita St.Kitts-Nevis-Anguila.

Santa Kitts-Nevis-Anguila divenis autonoma en 1967. Anguila rebelesis e divenis separita kolonio en 1971. Santa Kitts e Nevis divenis nedependanta de Unionita Rejio ye la 19ma di septembro 1983. En 1998 uragano Georges efektigis cirkume 458 milion dolari en domaji, e afektis la KLP di la lando dum du yari.