Historio di Seycheli

De Wikipedio
Irez ad: pilotado, serchez

Segun studiisti, Austroneziani, e pose Maldiviani ed Arabi esis l'unesma populi qui vizitis Seycheli. Homala restaji de la 12ma yarcento trovesis en l'insulo Silhouette.

En 1502 Portugalan explorero Vasco da Gama vidis la insuli e nomizis ol Amirantes ("admirali"). En 1609 Angliana komercala floto perdita en Indiana oceano dum tempesto trovis abundanta aquo, fishi, kokosi, uceli e tortugi en l'insuli. Navanari relatis la deskovro, ma Anglia donis nulo por koloniigar lu.

Franciani esis l'unesma kolonigiisti di Seycheli, en 1742. L'insulo recevis la nomo "Seychelles" en Franca por homajar Jean Moreau de Séchelles, , intendanto di Lille.

Kande Sep-yara milito komencis, ol rimemorigis l'autoritati en Maurico pri l'insuli. En 1790 kom rezulto di Franca Revoluciono kolonigiisti formacis kolonial asemblajo e decidis ke li propra administrabus la kolonio. Jean-Baptiste Queau de Quincy esis lasta Franca administristo.

En 1794 Britaniani okupis Seycheli. Jean Baptiste Quéau de Quincy decidis ne rezistar, e negociis kapitulaco kun Britaniani, qui prenis kontrolo dil arkipelago komplete pos la kapitulaco di Maurico en 1810.

Nur en 1903 Seycheli divenis kolonio di la krono. Ernest Bickham Sweet-Escott divenis lua unesma guberniestro. Dum kelka tempo Unionita Rejio uzis l'insuli kom kolonio por exilar desagreabla karcerani. Un di maxim notora esis arkiepiskopo Makarios de Chipro.

Flago di Seycheli.
James Mancham, en la monetopeco di 25 rupii.

Seycheli divenis nedependanta de Unionita Rejio en 29 di junio 1976. James Mancham esis lua unesma prezidanto, ma en 1977 ilu renversesis de povo da stato-stroko e remplasesis da France Albert René. La konstituco adoptita en 1979 deklaris lando socialista stato.

En 1986 defenso-ministro Ogilvy Berlouis probis revokar prezidanto René tra stato-stroko. René solicitis militala helpo de India e sufokis la stato-stroko.

En 4 di decembro 1991 pos la krulo di Sovietia, prezidanto René anoncis mult-partisal elekti, pos 16 yari kun sistemo di singla partiso.


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando